بۇل ساۋالنامانى ۆاشينگتوننىڭ Atlantic Council ("اتلانتيكا كەڭەسٸ") ساراپتاما ورتالىعى جٷرگٸزگەن, قورىتىندىسىن بريتانييانىڭ Financial Times گازەتٸ جارييالاعان.
ساۋالناماعا قاتىسقانداردىڭ 40 پايىزى رەسەيدە رەۆوليۋتسييا, ازاماتتىق سوعىس نەمەسە دەزينتەگراتسييا نەتيجەسٸندە ساياسي داعدارىس بولۋى مٷمكٸن دەپ ەسەپتەيدٸ. ەۋروپا ساراپشىلارى امەريكالىق ساراپشىلاردان دا پەسسيميست بولىپ شىققان: ولاردىڭ 49 پايىزى "رەسەي ىدىرايدى" دەپ سانايدى.
رەسپوندەنتتەردٸڭ 14 پايىزى رەسەي الداعى 10 جىلدا يادرولىق قارۋ قولدانۋى مٷمكٸن دەگەن تۇجىرىمعا كەلگەن. "اداعى ون جىلدا رەسەي ىدىرايدى" دەيتٸن رەسپوندەنتتەردٸڭ 10 پايىزى "رەسەي ىدىراعان سوڭ اۆتوكراتييالىق ەلدەردٸڭ كٶپشٸلٸگٸ دەموكراتييالىق جولعا تٷسەدٸ" دەپ بولجاعان.
"اتلانتيكا كەڭەسٸ" ديرەكتورىنىڭ ورىنباسارى پەتەر ەنگەلكە رەسەي تۋرالى تٷرلٸ بولجامعا ونىڭ ۋكراينا باسىپ كٸرگەنٸ جەنە وعان سالىنعان سانكتسييالار ىقپال ەتكەنٸن ايتقان.
رەسپوندەنتتەر "يراندا يادرولىق قارۋ پايدا بولادى, قىتاي تايۆانعا شابۋىل جاسايدى, كليماتتى قورعاۋداعى جاھاندىق ىنتىماقتاستىق كٷشەيە تٷسەدٸ" دەگەن دە ۇيعارىمعا كەلگەن.
ولاردىڭ ويىنشا, اقش الداعى ون جىلدا ەسكەري جەنە عىلىمي تەحنولوگييا سالاسىندا جەتەكشٸ رٶلٸن ساقتاپ قالادى, بٸراق ٶزگە دە ويىنشىلاردىڭ حالىقارالىق ارەناداعى رٶلٸنٸڭ كٷشەيە تٷسۋٸنە بايلانىستى امەريكانىڭ ساياسي جەنە ەكونوميكالىق گەگەمونيياسى بٸرتٸندەپ تٶمەندەيدٸ دەپ سانايدى.
