Raiffaizenbank KASE kapitalyndaǵy iri aktsiialar paketiniń nominaldy ustaýshysy atandy. Osylaiynan súiinshilegen reseilik basylymdar onyń nominaldy ieliginde Qazaqstan qor birjasynyń 13,1% nemese 140,8 myń aktsiiasy baryn aitady, dep habarlaidy Dalanews.kz.
Ádette, nominaldy aktsioner benefitsiarlardyń aty-jónin qupiia saqtaý úshin qoldanylady.
"Týra osyndai paket aktsiiasyna 2024 jyldyń 11 qazanyna deiin Máskeý birjasy da ielik etken. Ol kezde KASE óz aktsionerleri quramynan Mosbirjanyn shyqqanyn jariialaǵan. Al onyń aktsiialar paketi eki reseilik pailyq investitsiialar qorlarǵa berilgen: "Nigella" (oǵan KASE-niń 8,5%-y buiyrsa) jáne "Tetis kapital" men "Balans Esset Menedjment" BK basqarýyndaǵy "Levkaǵa" (4,6%). Alaida, saýda alańynyń saityndaǵy aqparatqa sáikes, "Nigella" jáne "Levkoi" kóp uzamai aktsionerler tiziminen joǵalǵan", dep jazady investing.com.
Mosbirja óziniń sanktsiiaǵa ushyraýyna bailanysty KASE aktsionerleri tiziminen shyǵýǵa májbúr boldy. 2024 jyldyń maýsym aiynyń ortasynda AQSh Qarjy ministrliginiń Sheteldik aktivterdi baqylaý basqarmasy Máskeý birjasyn SDN paraqshasyna engizdi. Mosbirjaǵa qarsy sanktsiialarǵa Ulybritaniia da qosyldy. Osydan keiin birden KASE óziniń aktsiialaryn satyp alý nemese olardy úshinshi tulǵalarǵa satý týraly Mosbirjamen kelissózder júrgizetinin málimdedi. Qańtar aiynyń ortasynda KASE-niń reseilik aktsionerleri Qazaqstan birjasynyń aktsiialaryn saqtaý úshin depozitariin aýystyrǵany belgili boldy. Olar 2024 jylǵy qarashada AQSh sanktsiialaryna ushyraýyna bailanysty osyǵan deiin qoldanyp kelgen "Infinitým "mamandandyrylǵan depozitariiiniń ornyna RAIFFAIZENBANKTI tańdaǵan bolyp shyqty.
Qazaqstandyq minoritarlyq aktsionerler qaýymdastyǵynyń málimetinshe, búgingi tańda KASE-niń iri aktsionerleri mynalar bolyp tabylady:
- QR Ulttyq Bank — 46,9962%
- Raiffaizenbank (nominaldy ustaýshy) — 13,1008%
- "Kómmesk-Ómir"AQ — 7,6351%
- Halyq bank — 6,7867%
- Qalǵan aktsiialar ártúrli qarjy uiymdary, kompaniialar men jeke tulǵalar arasynda ózara bólinip alynǵan.
Raiffaizenbank - Reseidegi ámbebap bank, avstriialyq Raiffeisen Bank International bank tobynyń enshiles banki. Shtab-páteri Máskeýde ornalasqan.
Buǵan deiin Nurlan Smaǵulovtyń kompaniiasy KASE-degi jai aktsiialaryn keri qaitaryp alǵanyn jazǵanbyz. Bul arada Qazaqstandaǵy eń iri MEGA saýda-oiyn-saýyq ortalyqtarynyń (Mega Alma-Ata, Almatydaǵy MEGA Park, Astanadaǵy MEGA Silk Way) jelisin salýmen jáne damytýmen ainalysatyn Astana Group-tyń qurylys salasyndaǵy bólimshesi - Mega Center Management týraly sóz bolyp otyrǵanyn naqtylai ketelik.
