Qazaqstan bankteriniń tabysy qatarynan tórtinshi ai tómendedi. Ulttyq banktiń málimetinshe, 2026 jyldyń alǵashqy tórt aiynda ekinshi deńgeili bankterdiń jalpy taza paidasy 795,8 mlrd teńge bolǵan. Bul byltyrǵy osy kezeńmen salystyrǵanda 12 paiyzǵa az, dep habarlaidy dalanews.kz.
Sarapshylar muny bankterge qoiylatyn talaptardyń kúsheiýimen bailanystyryp otyr. Keiingi ýaqytta nesie berý tártibi qatańdap, azamattardyń tólem qabiletine baqylaý kúsheigen.
Ulttyq bank endi qaryz alatyn adamnyń tabysy men nesiesiniń kólemine naqty shekteý engizbek. Iaǵni, adamnyń tabysyna sai kelmeitin kólemde nesie rásimdeý qiyndai túsýi múmkin.
Mamandardyń aitýynsha, bul sheshim halyqtyń shamadan tys qaryzǵa batýynyń aldyn alýǵa baǵyttalǵan.
