رايففايزەنبانك KASE كاپيتالىنداعى ءىرى اكسيالار پاكەتىنىڭ نومينالدى ۇستاۋشىسى اتاندى. وسىلايىنان سۇيىنشىلەگەن رەسەيلىك باسىلىمدار ونىڭ نومينالدى يەلىگىندە قازاقستان قور بيرجاسىنىڭ 13،1% نەمەسە 140،8 مىڭ اكسياسى بارىن ايتادى، دەپ حابارلايدى Dalanews.kz.
ادەتتە، نومينالدى اكسيونەر بەنەفيسيارلاردىڭ ءاتى-جونىن قۇپيا ساقتاۋ ءۇشىن قولدانىلادى.
"تۋرا وسىنداي پاكەت اكسياسىنا 2024 جىلدىڭ 11 قازانىنا دەيىن ماسكەۋ بيرجاسى دا يەلىك ەتكەن. ول كەزدە KASE ءوز اكسيونەرلەرى قۇرامىنان موسبيرجانىن شىققانىن جاريالاعان. ال ونىڭ اكسيالار پاكەتى ەكى رەسەيلىك پايلىق ينۆەستيسيالار قورلارعا بەرىلگەن: "نيگەللا" (وعان KASEء-نىڭ 8،5%-ى بۇيىرسا) جانە "تەتيس كاپيتال" مەن "بالانس ەسسەت مەنەدجمەنت" بك باسقارۋىنداعى "ليەۆكاعا" (4،6%). الايدا، ساۋدا الاڭىنىڭ سايتىنداعى اقپاراتقا سايكەس، "نيگەللا" جانە "ليەۆكوي" كوپ ۇزاماي اكسيونەرلەر تىزىمىنەن جوعالعان"، دەپ جازادى investing.com.
موسبيرجا ءوزىنىڭ سانكسياعا ۇشىراۋىنا بايلانىستى KASE اكسيونەرلەرى تىزىمىنەن شىعۋعا ءماجبۇر بولدى. 2024 جىلدىڭ ماۋسىم ايىنىڭ ورتاسىندا اقش قارجى مينيسترلىگىنىڭ شەتەلدىك اكتيۆتەردى باقىلاۋ باسقارماسى ماسكەۋ بيرجاسىن SDN پاراقشاسىنا ەنگىزدى. موسبيرجاعا قارسى سانكسيالارعا ۇلىبريتانيا دا قوسىلدى. وسىدان كەيىن بىردەن KASE ءوزىنىڭ اكسيالارىن ساتىپ الۋ نەمەسە ولاردى ءۇشىنشى تۇلعالارعا ساتۋ تۋرالى موسبيرجامەن كەلىسسوزدەر جۇرگىزەتىنىن مالىمدەدى. قاڭتار ايىنىڭ ورتاسىندا KASEء-نىڭ رەسەيلىك اكسيونەرلەرى قازاقستان بيرجاسىنىڭ اكسيالارىن ساقتاۋ ءۇشىن دەپوزيتاريىن اۋىستىرعانى بەلگىلى بولدى. ولار 2024 جىلعى قاراشادا اقش سانكسيالارىنا ۇشىراۋىنا بايلانىستى وسىعان دەيىن قولدانىپ كەلگەن "ينفينيتۋم "مامانداندىرىلعان دەپوزيتارييىنىڭ ورنىنا رايففايزەنبانكتى تاڭداعان بولىپ شىقتى.
قازاقستاندىق مينوريتارلىق اكسيونەرلەر قاۋىمداستىعىنىڭ مالىمەتىنشە، بۇگىنگى تاڭدا KASEء-نىڭ ءىرى اكسيونەرلەرى مىنالار بولىپ تابىلادى:
- ق ر ۇلتتىق بانك — 46،9962%
- رايففايزەنبانك (نومينالدى ۇستاۋشى) — 13،1008%
- "كوممەسك-ومىر"اق — 7،6351%
- حالىق بانك — 6،7867%
- قالعان اكسيالار ءارتۇرلى قارجى ۇيىمدارى، كومپانيالار مەن جەكە تۇلعالار اراسىندا ءوزارا ءبولىنىپ الىنعان.
رايففايزەنبانك - رەسەيدەگى امبەباپ بانك، اۆستريالىق Raiffeisen Bank International بانك توبىنىڭ ەنشىلەس بانكى. شتاب-پاتەرى ماسكەۋدە ورنالاسقان.
بۇعان دەيىن نۇرلان سماعۇلوۆتىڭ كومپانياسى KASE-دەگى جاي اكسيالارىن كەرى قايتارىپ العانىن جازعانبىز. بۇل ارادا قازاقستانداعى ەڭ ءىرى MEGA ساۋدا-ويىن-ساۋىق ورتالىقتارىنىڭ (Mega Alma-Ata، الماتىداعى MEGA Park، استاناداعى MEGA Silk Way) جەلىسىن سالۋمەن جانە دامىتۋمەن اينالىساتىن Astana Group-تىڭ قۇرىلىس سالاسىنداعى بولىمشەسى - Mega Center Management تۋرالى ءسوز بولىپ وتىرعانىن ناقتىلاي كەتەلىك.
