Senator jumysyn shala atqaratyn ministrler men ákim-qaralarǵa erekshe shúiligedi. Jelidegi jurtqa da sonysymen jaǵady.
"Toqaevtyń tapsyrmasyn oryndaýǵa óz isine júrdim-bardym qaraityn shendi-shekpendiler kedergi keltirip otyr", – deidi Murat Baqtiiaruly.
Til máselesine kelgende de senator kókeidegi oiyn búgip qalǵan emes.
Májilistegi keibir áriptesteri sekildi alystan oraǵytpaidy, jaýaptan jaltarmaidy.
"Memlekettik tildi bilýdi mindettesek kópultty elimizdiń tynyshtyǵyn shaiqaltyp alamyz-aý" dep orynsyz aqylsynbaidy.
Kerisinshe qazaq tilin bilýdi mindetteitin kez keldi dep esepteidi ol.
"Elimizdiń ár azamatyn qazaq tilin bilýge mindetteitin ýaqyt keldi. Memlekettik tildi bilý borysh emes, mindet! Zańnamaǵa osyndai ózgeris engizý kerek.
"Borysh" degen sóz qazaqstandyqtardyń sana-sezimine eshqalai áser etpeidi, kóbisi buǵan mán bermeidi de. Sol sebepti azamattar qazaq tilin meńgerýge talpynbaidy, al keibireýler ony paidasy joq dep esepteidi. Tildi bilýge mindettemesek, qazaqstandyqtar ony meńgermeidi", – deidi senator.
Sol-aq eken Wikipedia internet-entsiklopediiasynda áldebireýler senatordyń ómirderegine ózgeris engizip, "rasist" jáne "rýsofob" dep jazyp ketipti.
Soǵan qaraǵanda senatordyń tilge qatysty talaptary keibireýdiń shamyna tise kerek. Olar kim boldy eken?
Memlekettik tildiń mártebesin biik minberde sóz etken Murat Baqtiiarulyna ashyq qarsy shyǵýǵa qaimyqty ma, tý syrtynan tildepti.
Senatordyń ómirderegine túzetý engizgen Dmitriy AL esimdi qoldanýshy eken. Álbette bul onyń búrkenshik esimi bolýy múmkin. Wikipedia-ǵa senatordyń ómirderegine álgi eki sózdi engizýshi tirkelgen syńaily.
Belgilisi – qazaq tiliniń qas jaýy. Senator sóz etken "memlekettik tildi meńgerýge talpynbaityn ári paidasy joq" dep esepteitin esersoqtyń biri. Qazaq tiliniń soiylyn soǵyp, namysyn jyrtyp júrgen azamattardy atarǵa oǵy joq, astyrtyn kúresip júrgen orys shovinisi bolýy da ǵajap emes.
Murat Baqtiiaruly bul máseleni jyly jaba salmai, ar-namysyna (onyń ǵana emes jalpy memleketpen tilge qurmetpen qaraityn kez-kelgen azamatqa) til tigizgen adamdy anyqtaidy dep senemiz.
