سەناتور جۇمىسىن شالا اتقاراتىن مينيسترلەر مەن ەكٸم-قارالارعا ەرەكشە شٷيلٸگەدٸ. جەلٸدەگٸ جۇرتقا دا سونىسىمەن جاعادى.
"توقاەۆتىڭ تاپسىرماسىن ورىنداۋعا ٶز ٸسٸنە جٷردٸم-باردىم قارايتىن شەندٸ-شەكپەندٸلەر كەدەرگٸ كەلتٸرٸپ وتىر", – دەيدٸ مۇرات باقتييارۇلى.
تٸل مەسەلەسٸنە كەلگەندە دە سەناتور كٶكەيدەگٸ ويىن بٷگٸپ قالعان ەمەس.
مەجٸلٸستەگٸ كەيبٸر ەرٸپتەستەرٸ سەكٸلدٸ الىستان وراعىتپايدى, جاۋاپتان جالتارمايدى.
"مەملەكەتتٸك تٸلدٸ بٸلۋدٸ مٸندەتتەسەك كٶپۇلتتى ەلٸمٸزدٸڭ تىنىشتىعىن شايقالتىپ الامىز-اۋ" دەپ ورىنسىز اقىلسىنبايدى.
كەرٸسٸنشە قازاق تٸلٸن بٸلۋدٸ مٸندەتتەيتٸن كەز كەلدٸ دەپ ەسەپتەيدٸ ول.
"ەلٸمٸزدٸڭ ەر ازاماتىن قازاق تٸلٸن بٸلۋگە مٸندەتتەيتٸن ۋاقىت كەلدٸ. مەملەكەتتٸك تٸلدٸ بٸلۋ بورىش ەمەس, مٸندەت! زاڭناماعا وسىنداي ٶزگەرٸس ەنگٸزۋ كەرەك.
"بورىش" دەگەن سٶز قازاقستاندىقتاردىڭ سانا-سەزٸمٸنە ەشقالاي ەسەر ەتپەيدٸ, كٶبٸسٸ بۇعان مەن بەرمەيدٸ دە. سول سەبەپتٸ ازاماتتار قازاق تٸلٸن مەڭگەرۋگە تالپىنبايدى, ال كەيبٸرەۋلەر ونى پايداسى جوق دەپ ەسەپتەيدٸ. تٸلدٸ بٸلۋگە مٸندەتتەمەسەك, قازاقستاندىقتار ونى مەڭگەرمەيدٸ", – دەيدٸ سەناتور.
سول-اق ەكەن Wikipedia ينتەرنەت-ەنتسيكلوپەديياسىندا ەلدەبٸرەۋلەر سەناتوردىڭ ٶمٸردەرەگٸنە ٶزگەرٸس ەنگٸزٸپ, "راسيست" جەنە "رۋسوفوب" دەپ جازىپ كەتٸپتٸ.
سوعان قاراعاندا سەناتوردىڭ تٸلگە قاتىستى تالاپتارى كەيبٸرەۋدٸڭ شامىنا تيسە كەرەك. ولار كٸم بولدى ەكەن?
مەملەكەتتٸك تٸلدٸڭ مەرتەبەسٸن بيٸك مٸنبەردە سٶز ەتكەن مۇرات باقتييارۇلىنا اشىق قارسى شىعۋعا قايمىقتى ما, تۋ سىرتىنان تٸلدەپتٸ.
سەناتوردىڭ ٶمٸردەرەگٸنە تٷزەتۋ ەنگٸزگەن Dmitriy AL ەسٸمدٸ قولدانۋشى ەكەن. ەلبەتتە بۇل ونىڭ بٷركەنشٸك ەسٸمٸ بولۋى مٷمكٸن. Wikipedia-عا سەناتوردىڭ ٶمٸردەرەگٸنە ەلگٸ ەكٸ سٶزدٸ ەنگٸزۋشٸ تٸركەلگەن سىڭايلى.
بەلگٸلٸسٸ – قازاق تٸلٸنٸڭ قاس جاۋى. سەناتور سٶز ەتكەن "مەملەكەتتٸك تٸلدٸ مەڭگەرۋگە تالپىنبايتىن ەرٸ پايداسى جوق" دەپ ەسەپتەيتٸن ەسەرسوقتىڭ بٸرٸ. قازاق تٸلٸنٸڭ سويىلىن سوعىپ, نامىسىن جىرتىپ جٷرگەن ازاماتتاردى اتارعا وعى جوق, استىرتىن كٷرەسٸپ جٷرگەن ورىس شوۆينيسٸ بولۋى دا عاجاپ ەمەس.
مۇرات باقتييارۇلى بۇل مەسەلەنٸ جىلى جابا سالماي, ار-نامىسىنا (ونىڭ عانا ەمەس جالپى مەملەكەتپەن تٸلگە قۇرمەتپەن قارايتىن كەز-كەلگەن ازاماتقا) تٸل تيگٸزگەن ادامدى انىقتايدى دەپ سەنەمٸز.
