اۋداندىق مادەنيەت ۇيىندە وتكەن ەسەپتى كەزدەسۋگە، ق ر پرەزيدەنتى اكىمشىلىگىنىڭ مەملەكەتتىك ينسپەكتورى س.قوجانيازوۆ، تۇركىستان وبلىسى اكىمىنىڭ ورىنباسارى ۇ.تاجىبايەۆ، اۋداندىق ءماسليحات حاتشىسى، ءماسليحات دەپۋتاتتارى، قۇقىق قورعاۋ ورگاندارىنىڭ باسشىلارى، اۋىلدىق وكرۋگ-كەنت اكىمدەرى، اۋداندىق ارداگەرلەر جانە قوعامدىق كەڭەس ءتوراعالارى، اۋدان تۇرعىندارى مەن وبلىستىق جانە اۋداندىق بۇقارالىق اقپارات قۇرال وكىلدىرى قاتىستى.
جيىندا اۋدان باسشىسى وتكەن 2019 جىلعى الەۋمەتتىك-ەكونوميكالىق سالالارىنىڭ دامۋى مەن اتقارىلعان جۇمىستارمەن قوسا، اعىمداعى جىلى العا قويعان نەگىزگى مىندەتتەر تۋرالى باياندادى. اۋدان تۇرعىندارى ساپالى اۋىز سۋمەن قامتىلعان. اپاتتى جاعدايداعى مەكتەپتەردىڭ ماسەلەسى تۇبەگەيلى شەشىلگەن. بالاباقشامەن قامتۋ 100% پايىزعا ورىندالىپ وتىر.
الەۋمەتتىك نىساندار بوي كوتەرىپ، جولدار جوندەلىپ كوشەلەر جارىقتاندىرىلۋدا. اۋدان تۇرعىندارىنىڭ الەۋمەتتىك جاعدايىنا جانە كاسىپكەرلىكتىڭ دامۋىنا تىكەلەي اسەر ەتەتىن گاز سالاسى وڭتايلى شەشىمىن تاپقان. سونىمەن قاتار، كەزدەسۋدە اۋدان اكىمى بارلىق ەلدى مەكەندەردەگى ەسەپ بەرۋ جينالىستارىندا تۇرعىنداردان تۇسكەن سۇراقتار، ۇسىنىس-پىكىرلەردىڭ جانە مەملەكەتتىك، وڭىرلىك باعدارلامالاردىڭ ساپالى، ۋاقىتىلى ورىندالۋى قاتاڭ باقىلاۋدا بولاتىنىن جەتكىزدى.
اۋدان تۇرعىندارى تابىستى اتقارىلعان جۇمىستار مەن الدا اتقارىلاتىن مىندەتتەرگە وڭ باعالارىن بەرىپ، اۋدان اكىمىنىڭ جۇمىستارىنا ساتتىلىك تىلەدى.
كەزدەسۋدى قورىتىندىلاعان تۇركىستان وبلىسى اكىمىنىڭ ورىنباسارى ۇ.تاجىبايەۆ، وڭىرىمىزدە اتقارىلىپ جاتقان جۇمىستارعا وڭ باعاسىن بەرىپ وسىنداي جەتىستىككە جەتۋگە ۇلەس قوسقان اۋدان تۇرعىندارىنا العىسىن ءبىلدىردى. ال اۋدان تۇرعىندارىنا وتكەن جىلى بىرىگىپ اتقارعان جۇمىستارىنا راقمەتىن ايتىپ، الداعى جوسپارلانعان مەجەلەردى ىسكە اسىرۋعا بىرىگىپ اتسالىسۋعا شاقىردى.
