Aýdandyq mádeniet úiinde ótken esepti kezdesýge, QR Prezidenti Ákimshiliginiń memlekettik inspektory S.Qojaniiazov, Túrkistan oblysy ákiminiń orynbasary U.Tájibaev, aýdandyq máslihat hatshysy, máslihat depýtattary, quqyq qorǵaý organdarynyń basshylary, aýyldyq okrýg-kent ákimderi, aýdandyq ardagerler jáne qoǵamdyq keńes tóraǵalary, aýdan turǵyndary men oblystyq jáne aýdandyq buqaralyq aqparat qural ókildiri qatysty.
Jiynda aýdan basshysy ótken 2019 jylǵy áleýmettik-ekonomikalyq salalarynyń damýy men atqarylǵan jumystarmen qosa, aǵymdaǵy jyly alǵa qoiǵan negizgi mindetter týraly baiandady. Aýdan turǵyndary sapaly aýyz sýmen qamtylǵan. Apatty jaǵdaidaǵy mektepterdiń máselesi túbegeili sheshilgen. Balabaqshamen qamtý 100% paiyzǵa oryndalyp otyr.
Áleýmettik nysandar boi kóterip, joldar jóndelip kósheler jaryqtandyrylýda. Aýdan turǵyndarynyń áleýmettik jaǵdaiyna jáne kásipkerliktiń damýyna tikelei áser etetin gaz salasy ońtaily sheshimin tapqan. Sonymen qatar, kezdesýde aýdan ákimi barlyq eldi mekenderdegi esep berý jinalystarynda turǵyndardan túsken suraqtar, usynys-pikirlerdiń jáne memlekettik, óńirlik baǵdarlamalardyń sapaly, ýaqytyly oryndalýy qatań baqylaýda bolatynyn jetkizdi.
Aýdan turǵyndary tabysty atqarylǵan jumystar men alda atqarylatyn mindetterge oń baǵalaryn berip, aýdan ákiminiń jumystaryna sáttilik tiledi.
Kezdesýdi qorytyndylaǵan Túrkistan oblysy ákiminiń orynbasary U.Tájibaev, óńirimizde atqarylyp jatqan jumystarǵa oń baǵasyn berip osyndai jetistikke jetýge úles qosqan aýdan turǵyndaryna alǵysyn bildirdi. Al aýdan turǵyndaryna ótken jyly birigip atqarǵan jumystaryna raqmetin aityp, aldaǵy josparlanǵan mejelerdi iske asyrýǵa birigip atsalysýǵa shaqyrdy.
