تەكسەرۋ بارىسىندا جۇڭگو ازاماتتارىن جۇمىسقا تارتقان كاسىپورىن باسشىلارىنا ميلليونداپ ايىپپۇل سالىندى. ايتپاقشى، ولار دا قىتايلىق بولعاندىقتان ەلدەن الاستاتىلدى.
- سوت ۇكىمىمەن چجۋ سزيان باوعا ايلىق كورسەتكىش 2500 ەسەلەنگەن مولشەرىندە، ياعني 6 ميلليون 125 مىڭ تەڭگە مولشەرىندە ايىپپۇل سالىندى. بۇگىندە ولار قازاقستان اۋماعىنان شىعارىلىپ، 5 جىل مەرزىمگە قايتا كىرۋگە تىيىم سالىندى، – دەدى شىمكەنت قالاسىنداعى ەڭبەكشى اۋداندىق سوتىنىڭ سۋدياسى قايرات ءىزباساروۆ.
ينۆەستور رەتىندە كەلگەن جۇڭگو ازاماتى شىمكەنتتەگى يندۋستريالدىق ايماقتا مەتالل وڭدەۋ زاۋىتىن اشپاق بولعان. ءبىراق قۇرىلىستى جۇرگىزۋدە ءوز وتانداستارىنا سەنىپ، 2018 جىلى الماتىنىڭ اۋەجايى ارقىلى 31 قىتايدى الدىرتقان.
بىرنەشە كۇنگە كەلگەندەي بولعان جۇڭگو ازاماتتارى شىمكەنتكە جەتكەن سوڭ، جايباراقات جۇمىس ىستەپ ءجۇر بەرگەن. ياعني، جاتىن ورىن مەن جالاقىسى جاقسى بولىپتى. ءبىراق وتكەن جىلدىڭ كۇزىندە كوشى-قون پوليسياسىنىڭ قولىنا تۇسكەن.
