Tekserý barysynda Qytaı azamattaryn jumysqa tartqan kásiporyn basshylaryna mıllıondap aıyppul salyndy. Aıtpaqshy, olar da qytaılyq bolǵandyqtan elden alastatyldy.
- Sot úkimimen Chjý Szán Baoǵa aılyq kórsetkish 2500 eselengen mólsherinde, ıaǵnı 6 mıllıon 125 myń teńge mólsherinde aıyppul salyndy. Búginde olar Qazaqstan aýmaǵynan shyǵarylyp, 5 jyl merzimge qaıta kirýge tyıym salyndy, – dedi Shymkent qalasyndaǵy Eńbekshi aýdandyq sotynyń sýdıasy Qaırat İzbasarov.
Investor retinde kelgen Qytaı azamaty Shymkenttegi ındýstrıaldyq aımaqta metal óńdeý zaýytyn ashpaq bolǵan. Biraq qurylysty júrgizýde óz otandastaryna senip, 2018 jyly Almatynyń áýejaıy arqyly 31 qytaıdy aldyrtqan.
Birneshe kúnge kelgendeı bolǵan Qytaı azamattary Shymkentke jetken soń, jaıbaraqat jumys istep júr bergen. Iaǵnı, jatyn oryn men jalaqysy jaqsy bolypty. Biraq ótken jyldyń kúzinde kóshi-qon polısıasynyń qolyna túsken.
