Qazaq halqy ǵasyrlar boiy toi-dýmanda qoshqardy moiyn salyp kóterip kúsh synasqanyn bárimiz bilemiz. Oiyn sharty boiynsha kimde kim qoshqardy kóp kóterse, sol janýardy ózimen birge alyp ketken.
Bul qoshqardy qorlaý emes, qaita janýardy tóbege kóterip, qurmetteý emes pe?
Qazaqtyń qanyna sińgen qyzyqty oiynyn «janýardy qorlaý» dep pátýa shyǵarǵan uiymnyń aitqanyna kóngen qostanailyq shendiler barsha qazaqtyń ashýyna tigenin ózderi de sezbegen sekildi.
Dál osyndai áńgime qazaǵy kóp Túrkistan, Jambyl, Almaty oblysynda shyqpas edi.
Qazaqtyń dástúrli oiyndaryna ózgeris engizetindei Qostanaidyń janýarlardy qorǵaýshylary kim? Búgin qoshqar kóterýge tyiym salsa, erteń olar "Naýryzdy toilmańdar" dep shý shyǵarý múmkin ǵoi.
– Qostanai qalasynda Naýryz merekesin toilaý kezinde qoshqardyń ornyna qap kóterip kúsh synasýdy usynyp otyrmyz. Aldaǵy ýaqytta merekede mundai jarys uiymdastyrylsa, jigitter qapqa qum salyp, sony kóterip jarysatyn bolady, – dep qazaqqy dástúrden habary joq Qostanai qalasy Ishki saiasat bóliminiń basshysy Qairat Kazez degen shendi byljyrap, áńgime aitypty.
Qap kóterip jarysý eshkimge qyzyq emes qoi. Qyzyq bolsa sheneýnikterge qyzyq shyǵar?
Bir qalanyń Ishki máselesine jaýapty shendiniń boiynda qazaqylyq bolsa, «bularyń bolmaidy, ǵasyrlar boiy qalyptasqan ulttyq oiynǵa ózgeris engize almaimyz» áńgime aitýyna bolady ǵoi.
Biraq Kazez myrza ondai bir aýyz sóz aitpaǵan.
Qazir qandai bir daý týsa, bas izep kóne salatyn ózindik pikiri joq shendiler qaptap ketkeni jasyryn emes.
Aitapqshy, Qostanai qalasynyń ishki saiasat bólimine qazaqtyń salt-dástúrine ózgeris engizetin quqyqty kim bergen? Mundai shekten shyqqan soraqylyqqa kónbeýimiz kerek.
Osydan keiin Qostanaida qazaqtyń salt-dástúrin, ulttyq ǵurypyn qoldap, ara túsetin adam qalmaǵan ba dep oiǵa qalǵanymyzdy jasyryp qaitemiz?
Kezinde Jambyl oblysynda ákimniń orynbasary bolyp qyzmet atqarǵan Qostanai oblysynyń qazirgi ákimi Qumar Aqsaqalov sol kezde qazaqylyqty boiyna nege sińirmegen?
Olai bolsa, it pen mysyqty úilerinde zorlyqpen baǵyp otyrǵan qostanailyq orystardyń qolyndaǵy janýarlarǵa da bostandyq berilýin talap eteiik.
Qostanaida jany qazaq jigitterdiń bar ekenine senemiz. Naýryz kezinde Qostanaidyń ortalyq alańynda qoshqar kóterip jarys uiymdastyryńyzdar! «Qoshaqar emes qap kóterińder» degen Qairat Kazezdiń jandaishaptarynyń aitqanyna kónbeńizder!
Shendilerdiń salt-dástúrimizdi oiynshyq qylýyna jol bermeiik! Dál osyǵan bola sizderdi eshkim túrmege jaýyp, aiyppul arqalatpaidy!
