Búgin Memleket basshysy Qasym-Jomart Toqaevtyń tóraǵalyǵymen ótip jatqan keńeitilgen otyrysta Úkimet qosymsha qun salyǵy mólsherlemesin kóterýdi usyndy. Bul týraly premer-ministr Oljas Bektenov málimdedi. Sondai-aq vitse-premer-ulttyq ekonomika ministri Serik Jumanǵarin QQS shegin qazirgi 78 mln teńgeden 15 mln teńgege deiin tómendetýdi usyndy, dep jazady Dalanews.kz.
"Negizgi salyq júktemesi Eńbekaqy tóleý qoryna, iaǵni ózindik qunǵa túsedi. Taýar sórege kelip túskenge deiin kásipker salyqtyń kóp bóligin tólep tastaýǵa májbúr. Úkimet Eńbekaqy tóleý qoryna túsetin júktemeni ony satýǵa qarai aýdarý arqyly azaitýdy usynady. Ol úshin áleýmettik jeńildikter men jumys berýshilerdiń mindetti zeinetaqy tólemderin tómendete otyryp, QQS mólsherlemesin arttyrý qajet", - dedi premer-ministr.
Al vitse-premer-ulttyq ekonomika ministri Serik Jumanǵarin QQS shegin qazirgi 78 mln teńgeden 15 mln teńgege deiin tómendetýdi usyndy.
"Búgingi tańda elimizde 2,3 millionnan astam salyq tóleýshi tirkelgen bolsa, solardyń ishinen qosymsha qun salyǵyn (QQS) tóleitinder sany nebári 137 700 biznes sýbektisin qurap otyr. Bul – barlyq salyq tóleýshilerdiń 6 paiyzy ǵana. Al naqty QQS tóleitinder – 88 myń sýbekt, iaǵni jalpy salyq tóleýshilerdiń 4 paiyzyna teń. Munyń bir sebebi – QQS boiynsha esepke turý sheginiń joǵary bolýynda. Qazirgi kezde bul meje 78 million teńgeni quraidy", - dedi ol.
Onyń aitýynsha, Úkimet sol mejeni 15 million teńgege deiin tómendetýdi usynady.
"Búginde shaǵyn jáne orta biznes ókilderiniń 88 paiyzy dál osy aýqymdaǵy ainalymmen jumys isteidi. Sondyqtan bul ózgeris atalǵan sektorǵa eleýli salmaq túsire qoimaidy dep oilaimyz. EYDU (OESR) elderinde bul shek budan da tómen, al keibir iri ekonomikasy damyǵan memleketterde múldem nólge teń", - dedi Serik Jumanǵarin.
Jumanǵarin bul bastamanyń arqasynda QQS aqyry tolyq esepke alynyp, salyq tóleýshiler qatary 300 myńǵa jýyq jańa sýbektpen tolyǵady dep sanaidy.
Aita ketsek, buǵan deiin tańerteń ǵana saitymyzda "Elimizde qosymsha qun salyǵyn ósirý kózdelip otyr. Sarapshylar qaýymym buǵan nege qarsy" degen maqala jariialanǵan bolatyn. Maqalada Úkimet biýdjet jyrtyǵyn jamaý úshin qosymsha qun salyǵyn (QQS) 12%-dan 20%-ǵa deiin ósirýge nietti ekeni aitylady. Al sarapshylar mundaida qatty qymbatshylyq bolatynyn, ShOB kólemi kúrt qysqaratynyn, sóitip biýdjetke túsetin salyq kólemi de azaiatynyn aityp, kerisinshe "artyq qylamyz dep tyrtyq qylý" qaýpi joǵary ekenindigin eskertedi.
