Ózbekstanmen shekaradaǵy eki ótkizý beketi táýlik boiy jumys isteidi, dep habarlaidy dalanews.kz.
Májilis Qazaqstan men Ózbekstan arasyndaǵy memlekettik shekaradaǵy ótkizý beketteriniń jumysyna qatysty hattamany ratifikatsiialady. Qujatqa 2024 jyly 8 tamyzda Astanada qol qoiylǵan.
Jańa ózgeristerge sáikes "Syrdariia - Malik" jáne "Tselinnyi - Oq oltin" ótkizý beketteri endi ekijaqty emes, halyqaralyq mártebe boiynsha jumys isteidi. Sonymen qatar, olardyń jumys ýaqyty kúndizgi rejimnen táýlik boiǵy tártipke aýysady.
Bul sheshim shekaradaǵy ótkizý qabiletin arttyrýǵa, júk pen jolaýshylar ótýin jedeldetýge, Qazaqstan men Ózbekstan arasyndaǵy tranzit-kólik bailanysyn damytýǵa múmkindik beredi.
