Prezident Qasym-Jomart Toqaev tsifrlandyrý, derbes derekterdi qorǵaý, jol qozǵalysy jáne kóliktegi ozyq tehnologiialardy retteýge qatysty zańǵa qol qoidy. Qujat jol qaýipsizdigin kúsheitýge, júrgizýshilerdi daiarlaý sapasyn arttyrýǵa jáne memlekettik baqylaýdy kúsheitýge baǵyttalǵan, dep habarlaidy dalanews.kz.
Zańǵa sáikes, endi Ishki ister ministrligi júrgizýshilerdi oqytatyn uiymdarǵa ruqsat berip, olardyń qyzmetin baqylaidy. Qazir Qazaqstanda júrgizýshilerdi daiarlaýmen 819 uiym ainalysady. Jyl saiyn 140 myńnan asa adam alǵash ret júrgizýshi kýáligin alady.
Qujattaǵy taǵy bir mańyzdy ózgeris - elektrsamokattardyń trotýarlar, jaiaý júrginshiler jolymen júrýine tyiym salý. Bul sheshim jaiaý júrginshilerdiń, ásirese, balalardyń qaýipsizdigin qamtamasyz etý úshin qabyldanǵan.
Aita keteiik, byltyr elde elektrsamokattardyń qatysýymen 139 jol apaty tirkelip, 149 adam jaraqat alǵan.
