Qazaqstanda zeinetaqy júiesin reformalaý barysynda Singapýrdyń tájiribesin engizý múmkindigi qarastyrylyp jatyr. Bul týraly Eńbek jáne halyqty áleýmettik qorǵaý ministrliginiń ókili Asqarbek Ertaev málimdedi, dep habarlaidy dalanews.kz.
Onyń aitýynsha, ministrlikke zeinetaqy júiesin jetildirýge qatysty birqatar qosymsha usynys túsken. Soǵan bailanysty reforma boiynsha jumys áli de jalǵasyp jatyr.
“Singapýr modeli de jinaqtaýshy júiege negizdelgen. Bul júiede azamattar mindetti túrde qarajat jinaidy. Biraq sol jinaqty tek zeinetaqy úshin emes, turǵyn úi satyp alýǵa da paidalanýǵa bolady”, – dedi Asqarbek Ertaev.
Ministrlik ókiliniń sózinshe, ázirge naqty bir model tańdalmaǵan. Qazir usynylǵan barlyq nusqa jan-jaqty saralanyp jatyr. Sonyń nátijesinde Qazaqstan úshin eń tiimdi tásil tańdalyp, zeinetaqy reformasynyń túpkilikti nusqasy ázirlenbek.
“Barlyq usynysty saralap, olardyń tiimdi tustaryn biriktiremiz. Sonyń negizinde elimizdiń zeinetaqy júiesiniń bolashaqtaǵy damý baǵytyn aiqyndaityn sońǵy qujat daiyndalady”, – dedi ol.
Qazirgi tańda talqylanyp jatqan nusqalardyń qatarynda "4+1" modeli men saqtandyrý zeinetaqysy júiesi de bar.
Al eńbek ótilin mindetti túrde 40 jylǵa jetkizý týraly usynys talqylaýdan alynyp tastalǵan.
