سينگاپۋر مودەلٸ قاراستىرىلىپ جاتىر: قازاقستاننىڭ جاڭا زەينەتاقى جٷيەسٸ قانداي بولۋى مٷمكٸن?

قازاقستاندا زەينەتاقى جٷيەسٸن رەفورمالاۋ بارىسىندا سينگاپۋردىڭ تەجٸريبەسٸن ەنگٸزۋ مٷمكٸندٸگٸ قاراستىرىلىپ جاتىر. بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ٶكٸلٸ اسقاربەك ەرتاەۆ مەلٸمدەدٸ, دەپ حابارلايدى dalanews.kz.

ونىڭ ايتۋىنشا, مينيسترلٸككە زەينەتاقى جٷيەسٸن جەتٸلدٸرۋگە قاتىستى بٸرقاتار قوسىمشا ۇسىنىس تٷسكەن. سوعان بايلانىستى رەفورما بويىنشا جۇمىس ەلٸ دە جالعاسىپ جاتىر.

“سينگاپۋر مودەلٸ دە جيناقتاۋشى جٷيەگە نەگٸزدەلگەن. بۇل جٷيەدە ازاماتتار مٸندەتتٸ تٷردە قاراجات جينايدى. بٸراق سول جيناقتى تەك زەينەتاقى ٷشٸن ەمەس, تۇرعىن ٷي ساتىپ الۋعا دا پايدالانۋعا بولادى”, – دەدٸ اسقاربەك ەرتاەۆ.

مينيسترلٸك ٶكٸلٸنٸڭ سٶزٸنشە, ەزٸرگە ناقتى بٸر مودەل تاڭدالماعان. قازٸر ۇسىنىلعان بارلىق نۇسقا جان-جاقتى سارالانىپ جاتىر. سونىڭ نەتيجەسٸندە قازاقستان ٷشٸن ەڭ تيٸمدٸ تەسٸل تاڭدالىپ, زەينەتاقى رەفورماسىنىڭ تٷپكٸلٸكتٸ نۇسقاسى ەزٸرلەنبەك.

“بارلىق ۇسىنىستى سارالاپ, ولاردىڭ تيٸمدٸ تۇستارىن بٸرٸكتٸرەمٸز. سونىڭ نەگٸزٸندە ەلٸمٸزدٸڭ زەينەتاقى جٷيەسٸنٸڭ بولاشاقتاعى دامۋ باعىتىن ايقىندايتىن سوڭعى قۇجات دايىندالادى”, – دەدٸ ول.

قازٸرگٸ تاڭدا تالقىلانىپ جاتقان نۇسقالاردىڭ قاتارىندا "4+1" مودەلٸ مەن ساقتاندىرۋ زەينەتاقىسى جٷيەسٸ دە بار.

ال ەڭبەك ٶتٸلٸن مٸندەتتٸ تٷردە 40 جىلعا جەتكٸزۋ تۋرالى ۇسىنىس تالقىلاۋدان الىنىپ تاستالعان.