بٷگٸن مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتٸپ جاتقان كەڭەيتٸلگەن وتىرىستا ٷكٸمەت قوسىمشا قۇن سالىعى مٶلشەرلەمەسٸن كٶتەرۋدٸ ۇسىندى. بۇل تۋرالى پرەمەر-مينيستر ولجاس بەكتەنوۆ مەلٸمدەدٸ. سونداي-اق ۆيتسە-پرەمەر-ۇلتتىق ەكونوميكا مينيسترٸ سەرٸك جۇمانعارين ققس شەگٸن قازٸرگٸ 78 ملن تەڭگەدەن 15 ملن تەڭگەگە دەيٸن تٶمەندەتۋدٸ ۇسىندى, دەپ جازادى Dalanews.kz.
"نەگٸزگٸ سالىق جٷكتەمەسٸ ەڭبەكاقى تٶلەۋ قورىنا, ياعني ٶزٸندٸك قۇنعا تٷسەدٸ. تاۋار سٶرەگە كەلٸپ تٷسكەنگە دەيٸن كەسٸپكەر سالىقتىڭ كٶپ بٶلٸگٸن تٶلەپ تاستاۋعا مەجبٷر. ٷكٸمەت ەڭبەكاقى تٶلەۋ قورىنا تٷسەتٸن جٷكتەمەنٸ ونى ساتۋعا قاراي اۋدارۋ ارقىلى ازايتۋدى ۇسىنادى. ول ٷشٸن ەلەۋمەتتٸك جەڭٸلدٸكتەر مەن جۇمىس بەرۋشٸلەردٸڭ مٸندەتتٸ زەينەتاقى تٶلەمدەرٸن تٶمەندەتە وتىرىپ, ققس مٶلشەرلەمەسٸن ارتتىرۋ قاجەت", - دەدٸ پرەمەر-مينيستر.
ال ۆيتسە-پرەمەر-ۇلتتىق ەكونوميكا مينيسترٸ سەرٸك جۇمانعارين ققس شەگٸن قازٸرگٸ 78 ملن تەڭگەدەن 15 ملن تەڭگەگە دەيٸن تٶمەندەتۋدٸ ۇسىندى.
"بٷگٸنگٸ تاڭدا ەلٸمٸزدە 2,3 ميلليوننان استام سالىق تٶلەۋشٸ تٸركەلگەن بولسا, سولاردىڭ ٸشٸنەن قوسىمشا قۇن سالىعىن (ققس) تٶلەيتٸندەر سانى نەبەرٸ 137 700 بيزنەس سۋبەكتٸسٸن قۇراپ وتىر. بۇل – بارلىق سالىق تٶلەۋشٸلەردٸڭ 6 پايىزى عانا. ال ناقتى ققس تٶلەيتٸندەر – 88 مىڭ سۋبەكت, ياعني جالپى سالىق تٶلەۋشٸلەردٸڭ 4 پايىزىنا تەڭ. مۇنىڭ بٸر سەبەبٸ – ققس بويىنشا ەسەپكە تۇرۋ شەگٸنٸڭ جوعارى بولۋىندا. قازٸرگٸ كەزدە بۇل مەجە 78 ميلليون تەڭگەنٸ قۇرايدى", - دەدٸ ول.
ونىڭ ايتۋىنشا, ٷكٸمەت سول مەجەنٸ 15 ميلليون تەڭگەگە دەيٸن تٶمەندەتۋدٸ ۇسىنادى.
"بٷگٸندە شاعىن جەنە ورتا بيزنەس ٶكٸلدەرٸنٸڭ 88 پايىزى دەل وسى اۋقىمداعى اينالىممەن جۇمىس ٸستەيدٸ. سوندىقتان بۇل ٶزگەرٸس اتالعان سەكتورعا ەلەۋلٸ سالماق تٷسٸرە قويمايدى دەپ ويلايمىز. ەىدۇ (وەسر) ەلدەرٸندە بۇل شەك بۇدان دا تٶمەن, ال كەيبٸر ٸرٸ ەكونوميكاسى دامىعان مەملەكەتتەردە مٷلدەم نٶلگە تەڭ", - دەدٸ سەرٸك جۇمانعارين.
جۇمانعارين بۇل باستامانىڭ ارقاسىندا ققس اقىرى تولىق ەسەپكە الىنىپ, سالىق تٶلەۋشٸلەر قاتارى 300 مىڭعا جۋىق جاڭا سۋبەكتپەن تولىعادى دەپ سانايدى.
ايتا كەتسەك, بۇعان دەيٸن تاڭەرتەڭ عانا سايتىمىزدا "ەلٸمٸزدە قوسىمشا قۇن سالىعىن ٶسٸرۋ كٶزدەلٸپ وتىر. ساراپشىلار قاۋىمىم بۇعان نەگە قارسى" دەگەن ماقالا جارييالانعان بولاتىن. ماقالادا ٷكٸمەت بيۋدجەت جىرتىعىن جاماۋ ٷشٸن قوسىمشا قۇن سالىعىن (ققس) 12%-دان 20%-عا دەيٸن ٶسٸرۋگە نيەتتٸ ەكەنٸ ايتىلادى. ال ساراپشىلار مۇندايدا قاتتى قىمباتشىلىق بولاتىنىن, شوب كٶلەمٸ كٷرت قىسقاراتىنىن, سٶيتٸپ بيۋدجەتكە تٷسەتٸن سالىق كٶلەمٸ دە ازاياتىنىن ايتىپ, كەرٸسٸنشە "ارتىق قىلامىز دەپ تىرتىق قىلۋ" قاۋپٸ جوعارى ەكەنٸندٸگٸن ەسكەرتەدٸ.
