Qonaevta stýdent qyzdy qatygezdikpen óltirgender sottaldy, - dep habarlaidy Dalanews.kz.
Is Almaty oblysynyń qylmystyq ister jónindegi mamandandyrylǵan aýdanaralyq sotynda qaraldy.
Biyl 6 naýryzda eki er adam ortaq tanysy arqyly stýdent qyzben tanysqan. Ekeni jábirlenýshiden ýaqytsha bir jerge turǵyzýdy suraǵan.
Osylaisha olar Almatyda páterdi jalǵa alǵan. Bir kúni olardyń aqshasy bitip, páterdiń aqshasyn tóleý úshin er adam stýdent qyzdyń iPhone 13 Pro markaly telefonyn komissiialyq dúkenge tapsyrýǵa, keiinirek ony qaita satyp alýǵa ýáde berip, kóndirgen.
Qolǵa aqsha túskennen keiin ekeýi stýdent qyzdy bankter men mikroqarjy uiymdarynda jalpy somasy 435 myń teńgege aqshalai qaryzdardy resimdeýge kóndirgen.
12 naýryzda eki er adam stýdent qyzdyń smartfonyn komissiialyq dúkennen ózine habarlamai, jasyryn satyp alyp, ony 240 myń teńgege satyp jibergen, al túsken qarajatty ózderi jaratyp tastaǵan.
Stýdent qyz smartfondy qaita satyp alý týraly birneshe suraǵan. Artynsha ekeýi stýdent qyzǵa telefony men nesieniń aqshasyn qaitarmaý úshin óltirmek bolady.
Sol úshn 15 naýryz kúni túnde eki er adam stýdent qyzdy úiine aparý syltaýymen onymen birge jolǵa shyǵyp, saǵat 02:00 shamasynda Qonaev-Qazaqstan avtojolynyń 36 – shaqyrymyna jetip, joldan shyǵyp, ashyq ýchaskege toqtaǵan.
Eki er adam kezek-kezek stýdentti saqamen uryp soǵyp, ony benzinmen órteýge tyrysqan, sodan keiin olar oqiǵa ornynan qashyp ketken. Qyz bala alǵan jaraqattarynan sol jerde qaitys bolǵan.
Sottalýshylardyń kinási is materialdarymen tolyq dáleldengen: kýálardyń aiǵaqtarymen, saraptamalardyń qorytyndylarymen dáleldendi.
Qylmystyq jaýaptylyq pen jazany jeńildetetin jáne aýyrlatatyn mán-jailar anyqtalǵan joq.
Sot úkimi:
Sot úkimimen Q. jáne S. ózderine taǵylǵan is-áreketterdi jasaǵany úshin kináli dep tanylyp, árqaisysyna 17 jylǵa bas bostandyǵynan aiyrý jazasy taǵaiyndaldy.
Sot úkimi zańdy kúshine endi.
