Quryltai depýtaty Abbat Órisbaev oqý-jattyǵý jiyndary áskerilerdiń ómirine qaýip tóndirmeýi qajet ekenin aitty, dep habarlaidy dalanews.kz.
Depýtat Quryltai otyrysynda birqatar usynys jasady:
- "Oqý-jattyǵý aýmaǵyn drondar arqyly úzdiksiz baqylaýǵa alý qajet. Ár qatysýshyda jeke elektron belgi bolǵany jón. Bul onyń ornalasqan jerin kez kelgen ýaqytta anyqtaýǵa múmkindik beredi.
- Qatysýshynyń geolokatsiiasyn kórsetetin arnaiy qurylǵy berilýge tiis. Qurylǵy adamnyń naqty ornyn anyqtap qana qoimai, qaýip tóngen jaǵdaida SOS belgisin jiberýi kerek. Adam qulap qalsa, uzaq ýaqyt qozǵalyssyz jatsa nemese sýǵa tússe, júie avtomatty túrde dabyl berýge tiis.
- Adamnyń fiziologiialyq jaǵdaiyn baqylaityn qurylǵy engizý qajet. Ol júrek soǵysy siiaqty negizgi kórsetkishti baqylaýǵa múmkindik beredi. Sonymen qatar, aýa raiy, jeldiń jyldamdyǵy, kóriný qashyqtyǵy jáne teńizdegi tolqyn týraly aqparat bir ortalyqqa úzdiksiz túsip turýy kerek. Qaýip deńgeii artqan jaǵdaida oqý-jattyǵýdyń qaýipti bóligi dereý toqtatylýǵa tiis.
- Ár oqý-jattyǵýǵa biryńǵai qaýipsizdik pasporty ázirlenýi mańyzdy. Onda qatysýshylar meditsinalyq tekseristen ótkeni, qaýip-qater kartasy, evakýatsiia baǵyty, qutqarý tobynyń quramy jáne aýa raiyna bailanysty shekteýler kórsetilýge tiis. Oqý-jattyǵý ótetin aýmaq ta aldyn ala muqiiat tekserilýi kerek".
Onyń aitýynsha, úsh ai ishinde oqý-jattyǵýlar kezindegi qaýipsizdiktiń biryńǵai standartyn ázirlep, aldymen birneshe óńirde synaqtan ótkizgen jón. Nátijesi oń bolǵan jaǵdaida osy standartty barlyq óńirge engizý qajet.
"Oqý-jattyǵý adam ómirine qaýip tóndiretin synaqqa ainalmaýy kerek. Basty maqsaty - tótenshe jaǵdaida adamdy aman alyp qalýǵa úiretý. Sondyqtan qaýipsizdik kez kelgen oqý mindetinen joǵary turýǵa tiis", - dedi Abbat Órisbaev.
