Rýmyniianyń Býharest qalasynda toǵyzqumalaqtan VIII álem chempionaty óz máresine jetti. 21–27 qyrkúiek aralyǵynda ótken halyqaralyq dodaǵa 14 elden 80-nen astam sportshy qatysty, dep habarlaidy dalanews.kz.
Álem chempionatynda qatysýshylar toǵyzqumalaqtyń klassika, rapid jáne blits baǵyttary boiynsha baq synady. Qazaqstan quramasy jarystyń úsh túrinde de el namysyn qorǵap, halyqaralyq dodada joǵary deńgeidegi oiyn kórsetti.
Toǵyzqumalaqtan álem chempionaty ziiatkerlik sport túriniń halyqaralyq deńgeide damyp, keńinen tanylýyna múmkindik beretin mańyzdy jarystardyń biri sanalady.
Jarys qorytyndysy boiynsha jeńimpazdar men júldegerler anyqtalyp, úzdik sportshylar marapattaldy.
Uiymdastyrýshylar chempionatqa qatysqan sportshylar men jattyqtyrýshylarǵa alǵys bildirip, jeńimpazdar men júldegerlerdi quttyqtady.
