Румынияның Бухарест қаласында тоғызқұмалақтан VIII әлем чемпионаты өз мәресіне жетті. 21–27 қыркүйек аралығында өткен халықаралық додаға 14 елден 80-нен астам спортшы қатысты, деп хабарлайды dalanews.kz.
Әлем чемпионатында қатысушылар тоғызқұмалақтың классика, рапид және блиц бағыттары бойынша бақ сынады. Қазақстан құрамасы жарыстың үш түрінде де ел намысын қорғап, халықаралық додада жоғары деңгейдегі ойын көрсетті.
Тоғызқұмалақтан әлем чемпионаты зияткерлік спорт түрінің халықаралық деңгейде дамып, кеңінен танылуына мүмкіндік беретін маңызды жарыстардың бірі саналады.
Жарыс қорытындысы бойынша жеңімпаздар мен жүлдегерлер анықталып, үздік спортшылар марапатталды.
Ұйымдастырушылар чемпионатқа қатысқан спортшылар мен жаттықтырушыларға алғыс білдіріп, жеңімпаздар мен жүлдегерлерді құттықтады.
