قونايەۆتا ستۋدەنت قىزدى قاتىگەزدىكپەن ولتىرگەندەر سوتتالدى، - دەپ حابارلايدى Dalanews.kz.
ءىس الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قارالدى.
بيىل 6 ناۋرىزدا ەكى ەر ادام ورتاق تانىسى ارقىلى ستۋدەنت قىزبەن تانىسقان. ەكەنى جابىرلەنۋشىدەن ۋاقىتشا ءبىر جەرگە تۇرعىزۋدى سۇراعان.
وسىلايشا ولار الماتىدا پاتەردى جالعا العان. ءبىر كۇنى ولاردىڭ اقشاسى ءبىتىپ، پاتەردىڭ اقشاسىن تولەۋ ءۇشىن ەر ادام ستۋدەنت قىزدىڭ iPhone 13 Pro ماركالى تەلەفونىن كوميسسيالىق دۇكەنگە تاپسىرۋعا، كەيىنىرەك ونى قايتا ساتىپ الۋعا ۋادە بەرىپ، كوندىرگەن.
قولعا اقشا تۇسكەننەن كەيىن ەكەۋى ستۋدەنت قىزدى بانكتەر مەن ميكروقارجى ۇيىمدارىندا جالپى سوماسى 435 مىڭ تەڭگەگە اقشالاي قارىزداردى رەسىمدەۋگە كوندىرگەن.
12 ناۋرىزدا ەكى ەر ادام ستۋدەنت قىزدىڭ سمارتفونىن كوميسسيالىق دۇكەننەن وزىنە حابارلاماي، جاسىرىن ساتىپ الىپ، ونى 240 مىڭ تەڭگەگە ساتىپ جىبەرگەن، ال تۇسكەن قاراجاتتى وزدەرى جاراتىپ تاستاعان.
ستۋدەنت قىز سمارتفوندى قايتا ساتىپ الۋ تۋرالى بىرنەشە سۇراعان. ارتىنشا ەكەۋى ستۋدەنت قىزعا تەلەفونى مەن نەسيەنىڭ اقشاسىن قايتارماۋ ءۇشىن ولتىرمەك بولادى.
سول ءۇشن 15 ناۋرىز كۇنى تۇندە ەكى ەر ادام ستۋدەنت قىزدى ۇيىنە اپارۋ سىلتاۋىمەن ونىمەن بىرگە جولعا شىعىپ، ساعات 02:00 شاماسىندا قونايەۆ-قازاقستان اۆتوجولىنىڭ 36 – شاقىرىمىنا جەتىپ، جولدان شىعىپ، اشىق ۋچاسكەگە توقتاعان.
ەكى ەر ادام كەزەك-كەزەك ستۋدەنتتى ساقامەن ۇرىپ سوعىپ، ونى بەنزينمەن ورتەۋگە تىرىسقان، سودان كەيىن ولار وقيعا ورنىنان قاشىپ كەتكەن. قىز بالا العان جاراقاتتارىنان سول جەردە قايتىس بولعان.
سوتتالۋشىلاردىڭ كىناسى ءىس ماتەريالدارىمەن تولىق دالەلدەنگەن: كۋالاردىڭ ايعاقتارىمەن، ساراپتامالاردىڭ قورىتىندىلارىمەن دالەلدەندى.
قىلمىستىق جاۋاپتىلىق پەن جازانى جەڭىلدەتەتىن جانە اۋىرلاتاتىن ءمان-جايلار انىقتالعان جوق.
سوت ۇكىمى:
سوت ۇكىمىمەن ق. جانە س. وزدەرىنە تاعىلعان ىس-ارەكەتتەردى جاساعانى ءۇشىن كىنالى دەپ تانىلىپ، ءارقايسىسىنا 17 جىلعا باس بوستاندىعىنان ايىرۋ جازاسى تاعايىندالدى.
سوت ۇكىمى زاڭدى كۇشىنە ەندى.
