Qoǵamda úlken shý bolǵan Almatydaǵy №224 mektep qazaq tilinde ashyldy, dep habarlaidy Dalanews.kz.
Bul týraly qoǵam belsendileri áleýmettik jelide habarlady. Esterińizge sala keteiik, №224 mektep daýy basylmai turǵanyna úsh apta boldy. Mektep búgin, 3 qarashada jumysyn bastaidy.
Buǵan deiin turǵyndar birneshe ret jinalyp, ákimdikke baryp, tipti prezident Qasym-Jomart Toqaevqa úndeý jasap, kómek suraýǵa májbúr bolǵan.
"Konstitýtsiialyq quqyqty buzbai jáne qazaq tilin damytý maqsatynda №224 mektepti taza qazaqtildi mektep etýdi suraimyn. Meniń ózime beiimdelý qiyn. Qazaq tilin úirenip júrmin. Eger ortam qazaqtildi bolǵanda qolymnan budan da jaqsysy keler edi dep oilaimyn. Sondyqtan konstitýtsiialyq quqyǵym buzylmai, bastapqyda aitylǵandai bul mekteptiń taza qazaq tilinde bolýyn suraimyn", – deidi turǵyndardyń biri.
Úndeý jasaǵan almatylyqtardyń sózinshe, shaǵynaýdanda birde-bir taza qazaqtildi mektep joq.
