قوعامدا ۇلكەن شۋ بولعان الماتىداعى №224 مەكتەپ قازاق تىلىندە اشىلدى، دەپ حابارلايدى Dalanews.kz.

بۇل تۋرالى قوعام بەلسەندىلەرى الەۋمەتتىك جەلىدە حابارلادى. ەستەرىڭىزگە سالا كەتەيىك، №224 مەكتەپ داۋى باسىلماي تۇرعانىنا ءۇش اپتا بولدى. مەكتەپ بۇگىن، 3 قاراشادا جۇمىسىن باستايدى.

بۇعان دەيىن تۇرعىندار بىرنەشە رەت جينالىپ، اكىمدىككە بارىپ، ءتىپتى پرەزيدەنت قاسىم-جومارت توقايەۆقا ۇندەۋ جاساپ، كومەك سۇراۋعا ءماجبۇر بولعان. 

"كونستيتۋسيالىق قۇقىقتى بۇزباي جانە قازاق ءتىلىن دامىتۋ ماقساتىندا №224 مەكتەپتى تازا ءقازاقتىلدى مەكتەپ ەتۋدى سۇرايمىن. مەنىڭ وزىمە بەيىمدەلۋ قيىن. قازاق ءتىلىن ۇيرەنىپ ءجۇرمىن. ەگەر ورتام ءقازاقتىلدى بولعاندا قولىمنان بۇدان دا جاقسىسى كەلەر ەدى دەپ ويلايمىن. سوندىقتان كونستيتۋسيالىق قۇقىعىم بۇزىلماي، باستاپقىدا ايتىلعانداي بۇل مەكتەپتىڭ تازا قازاق تىلىندە بولۋىن سۇرايمىن"، – دەيدى تۇرعىنداردىڭ ءبىرى.

ۇندەۋ جاساعان الماتىلىقتاردىڭ سوزىنشە، شاعىناۋداندا بىردە-بىر تازا ءقازاقتىلدى مەكتەپ جوق.