Ol Bolat Nazarbaevtyń "oń qoly" sanalǵan Eldos Qospaevtyń qylmystyq tobyna reiderlikpen ainalysýǵa kómektesken dep kúdiktelýde.
Dalainside telegram arnasy agenttiktiń resmi túsiniktemesin syǵymdap usynǵan eken.
Qospaev bastaǵan reketter tanymal kásipkerlerdiń biznesin tartyp alý almas buryn Kozachkovtyń "kómegine" júginip, óz qurbandaryna aqparattyq shabýyl jasaǵan.
Kozachkov bul iske organda qyzmet istegen dosy Býrhan Janseiitovti (tómende sýrette) tartqan.
Sońǵysy qylmystyq toptyń soiylyn soǵyp, qurbandaryn qaralaityn kompromat jinaǵan.
Janseiitov Kozachkovtyń arnasyn qylmystyq toptyń talabyna beiimdep, jýrnalistiń jazbalarynyń astyna OPG-nyń basqa múshelerimen birigip, nysanaǵa ilingen kásipkerdiń ústinen negativ pikir uiymdastyrǵan. Buǵan qarsy kelgen qoldanýshylardy buǵattap otyrǵan.
Kozachkov-Janseiitov tandeminiń Qospaevtan 52 mln teńge syiaqy alǵany dáleldenipti.
Qospaev jetekshilik etetin OPG osy kúnge deiin biraz biznesmendi qan qaqsatqan.
Atap aitqanda kásipker Almas Ábdiǵapparovtyń (tómende sýrette) "Esentai siti" jobasyndaǵy úlesine ortaqtasqan, taǵy bir kásipkerdiń shyny ydystar shyǵaratyn zaýytyn iemdenip alǵan.
Kozachkov zaýyt iesiniń bedelin túsiretin birqatar maqalalardy ústi-ústine jariialaǵan.
Jýrnalist budan bólek Eldostyń inisi Aidos Qospaevtyń jazadan jaltaryp ketýine járdemdesken.
Budan basqa, Kozachkovqa jáne basqa tulǵalarǵa qatysty memlekettik qupiialardy quraityn málimetterdi zańsyz jinaý jáne taratý faktileri boiynsha qylmystyq is tergelýde.
