ول بولات نازاربايەۆتىڭ "وڭ قولى" سانالعان ەلدوس قوسپايەۆتىڭ قىلمىستىق توبىنا رەيدەرلىكپەن اينالىسۋعا كومەكتەسكەن دەپ كۇدىكتەلۋدە.
Dalainside تەلەگرام ارناسى اگەنتتىكتىڭ رەسمي تۇسىنىكتەمەسىن سىعىمداپ ۇسىنعان ەكەن.
قوسپايەۆ باستاعان رەكەتتەر تانىمال كاسىپكەرلەردىڭ بيزنەسىن تارتىپ الۋ الماس بۇرىن كوزاچكوۆتىڭ "كومەگىنە" جۇگىنىپ، ءوز قۇرباندارىنا اقپاراتتىق شابۋىل جاساعان.
كوزاچكوۆ بۇل ىسكە ورگاندا قىزمەت ىستەگەن دوسى بۋرحان جانسەيىتوۆتى (تومەندە سۋرەتتە) تارتقان.
سوڭعىسى قىلمىستىق توپتىڭ سويىلىن سوعىپ، قۇرباندارىن قارالايتىن كومپرومات جيناعان.
جانسەيىتوۆ كوزاچكوۆتىڭ ارناسىن قىلمىستىق توپتىڭ تالابىنا بەيىمدەپ، ءجۋرناليستىڭ جازبالارىنىڭ استىنا وپگ-نىڭ باسقا مۇشەلەرىمەن بىرىگىپ، نىساناعا ىلىنگەن كاسىپكەردىڭ ۇستىنەن نەگاتيۆ پىكىر ۇيىمداستىرعان. بۇعان قارسى كەلگەن قولدانۋشىلاردى بۇعاتتاپ وتىرعان.
كوزاچكوۆ-جانسەيىتوۆ تاندەمىنىڭ قوسپايەۆتان 52 ملن تەڭگە سىياقى العانى دالەلدەنىپتى.
قوسپايەۆ جەتەكشىلىك ەتەتىن وپگ وسى كۇنگە دەيىن ءبىراز بيزنەسمەندى قان قاقساتقان.
اتاپ ايتقاندا كاسىپكەر الماس ءابدىعاپپاروۆتىڭ (تومەندە سۋرەتتە) "ەسەنتاي سيتي" جوباسىنداعى ۇلەسىنە ورتاقتاسقان، تاعى ءبىر كاسىپكەردىڭ شىنى ىدىستار شىعاراتىن زاۋىتىن يەمدەنىپ العان.
كوزاچكوۆ زاۋىت يەسىنىڭ بەدەلىن تۇسىرەتىن ءبىرقاتار ماقالالاردى ۇستى-ۇستىنە جاريالاعان.
جۋرناليست بۇدان بولەك ەلدوستىڭ ءىنىسى ايدوس قوسپايەۆتىڭ جازادان جالتارىپ كەتۋىنە جاردەمدەسكەن.
بۇدان باسقا، كوزاچكوۆقا جانە باسقا تۇلعالارعا قاتىستى مەملەكەتتىك قۇپيالاردى قۇرايتىن مالىمەتتەردى زاڭسىز جيناۋ جانە تاراتۋ فاكتىلەرى بويىنشا قىلمىستىق ءىس تەرگەلۋدە.
