قىزىلوردادا بەس ايلىق بالانى قاعىپ ٶلتٸرٸپ, وقيعا ورنىنان قاشىپ كەتكەن جٷرگٸزۋشٸ ٷش تەۋلٸكتەن بەرٸ ۇستالماعان. قازا بولعان سەبيدٸڭ ناعاشىسى, كاراتەدەن ەلەم چەمپيونى مٶلدٸر جاڭبىرباي كٷدٸكتٸنٸ تاۋىپ, جاۋاپقا تارتۋدى تالاپ ەتتٸ, دەپ حابارلايدى dalanews.kz.
بۇعان دەيٸن 13 قازاندا Mitsubishi Lancer كٶلٸگٸنٸڭ جٷرگٸزۋشٸسٸ قولارباداعى بالاسىمەن كەلە جاتقان 26 جاستاعى ەيەلدٸ قاعىپ, وقيعا ورنىنان كەتٸپ قالعانى حابارلانعان. سالدارىنان بەس ايلىق سەبي اۋرۋحانادا كٶز جۇمدى, ال اناسىنىڭ جاعدايى ٶتە اۋىر.
مٶلدٸر جاڭبىربايدىڭ ايتۋىنشا, ونىڭ كەلٸنٸ شانحاي شاعىناۋدانىنداعى كٷلتەگٸنوۆ كٶشەسٸمەن بالاسىن سەرۋەندەتٸپ جٷرگەن. سپورتشىنىڭ سٶزٸنشە, بۇل جەردە تولىققاندى جاياۋ جٷرگٸنشٸلەر جولى بولماعاندىقتان, ەيەل جول جيەگٸمەن جٷرۋگە مەجبٷر بولعان.
ونىڭ ايتۋىنشا, كٶلٸك جوعارى جىلدامدىقپەن قارسى باعىتقا شىعىپ, ەيەل مەن قولاربانى قاعىپ كەتكەن.
«كەلٸنٸمنٸڭ جاراقاتى ٶتە كٶپ. سول جاق دەنەسٸنٸڭ بۇعانا تۇسىنان باستاپ ٶكشەسٸنە دەيٸن سٷيەكتەرٸ سىنعان. جامباس سٷيەكتەرٸ مەن باس سٷيەگٸ زاقىمدانعان, قان قۇيىلعان. دەرٸگەرلەر ونىڭ جاعدايىن ٶتە اۋىر دەپ باعالاپ وتىر», – دەدٸ مٶلدٸر جاڭبىرباي.
سپورتشىنىڭ سٶزٸنشە, وتباسى جٷرگٸزۋشٸنٸ ٸزدەۋ جۇمىستارىنىڭ سوزىلىپ كەتكەنٸنە الاڭدايدى. ونىڭ ايتۋىنشا, جول اپاتىنان بەرٸ ٷش تەۋلٸككە جۋىق ۋاقىت ٶتسە دە, كٷدٸكتٸ ەلٸ ۇستالماعان.
جاڭبىرباي جٷرگٸزۋشٸنٸڭ كٶلٸكتٸ ەيەلٸنٸڭ اتىنا تٸركەلگەن اۆتوكٶلٸكپەن باسقارعانىن, ال ٶزٸنٸڭ جٷرگٸزۋشٸ كۋەلٸگٸنەن ايىرىلعانىن ايتتى. سونداي-اق وتباسى ونىڭ بۇعان دەيٸن دە باسقا جول اپاتتارىنا قاتىسى بولۋى مٷمكٸن ەكەنٸن ەستٸگەن. الايدا بۇل اقپارات ەزٸرگە رەسمي تٷردە راستالماعان.
«ونىڭ كٸم ەكەنٸ انىقتالعان, ەيەلٸنٸڭ دە, اتا-اناسىنىڭ دا مەكەنجايلارى بەلگٸلٸ. بەينەباقىلاۋ كامەرالارىنداعى جازبالار دا بار. بٸراق ەشقانداي اقپارات جوق. بٸز ٶزٸمٸز قايتا-قايتا قوڭىراۋ شالىپ, جاعدايدى بٸلۋگە مەجبٷرمٸز», – دەدٸ ول.
مارقۇمنىڭ تۋىستارى كٷدٸكتٸ بوي تاسالاپ, جاۋاپكەرشٸلٸكتەن جالتارىپ كەتۋٸ مٷمكٸن دەپ قاۋٸپتەنەدٸ. ولار جٷرگٸزۋشٸنٸ تاۋىپ, ٸستٸ وبەكتيۆتٸ تەرگەۋدٸ تالاپ ەتٸپ وتىر.
بۇعان دەيٸن قىزىلوردا وبلىسىنىڭ پوليتسييا دەپارتامەنتٸ ادام ٶلٸمٸنە ەكەلگەن جول-كٶلٸك وقيعاسى جەنە وقيعا ورنىنان كەتٸپ قالۋ فاكتٸلەرٸ بويىنشا قىلمىستىق ٸستەر قوزعالعانىن حابارلاعان. پوليتسييا كٷدٸكتٸنٸڭ جەكە باسىن انىقتاپ, قالا شىعا بەرٸستەرٸندەگٸ باقىلاۋدى كٷشەيتكەن.
