Túrkistan oblysy ákiminiń orynbasary Beisenbai Tájibaev Qazyǵurt aýdanyndaǵy áleýmettik nysandardy aralap kórdi. Ol ǵimarattardyń ahýaly, qurylysy, mekemelerdiń jumys barysymen tanysty,- dep habarlaidy Dalanews.kz
Qyzyldala mektebi 2009 jyly salynǵan. Renovatsiia tizimine engen. Aǵymdaǵy jóndeý jumystary júrgizilip jatyr. Eki aýysymda 314 bala oqýda. Merdiger mekeme — «Kemel Stroy Group» JShS. Bilim uiasyndaǵy jóndeý tamyzdyń ortasyna deiin aiaqtalýy tiis.
Atbulaq mektebi de aǵymdaǵy jóndeýden ótýde. Nysan 660 oryndyq. Eki aýysymda 618 oqýshy bilim alýda. Ǵimaraty 2007 jyly paidalanýǵa berilgen. «NDS SERVICE» JShS merdiger kompaniia retinde tanylǵan. Balalar jańǵyrtýdan ótken mektepte jańa oqý jylyn bastaidy.
Sharbulaq aýylynda 300 oryndyq jańa mekteptiń qurylys-montajdaýy baqylandy. Biyl naýryzda bastalǵan qurylys 2026 jyly bitip, bilim oshaǵy ashylýy kerek. Qazirgi tańda 30 jumysshy qyzmet etýde. Merdiger mekeme — «Ar Kua Group» JShS.
Aqbastaý mektebi 1985 jyly ashylǵan. Sodan beri 3 ǵimarat salynypty. 1-shi ǵimaratyna 2013 jyly jóndeý júrgizilgen. 2-shi jáne 3-shi nysandaryna retke keltirý qajet.
Saraphana eldi mekeninde investor qarajaty esebinen 500 oryndyq mektep boi kóterýde. Jyl sońyna deiin aiaqtaý kózdelgen. Aýylda jańa bilim uiasyna qajettilik bolǵan. Bul másele de ońtailanbaq.
Issapar Rabat ortalyq aýrýhanasynda jalǵasty. Eldi mekende 8300-den astam halyq turady. Aýrýhanada 54 qyzmetker jumys isteidi. Jylyna 500-ge jýyq naýqas qabyldaidy. Nysan 2007 jyly qoldanysqa tapsyrylǵan. Ǵimarattyń shatyrlary jańartýdy qajet etedi. Qasbetin qaptaý kerek. Injenerlik júieleriniń tozyǵy jetken. 2023 jylǵa deiin tabiǵi gazben jylytylyp kelip, jańa qazandyqqa aýystyrylǵan. Búginde aǵymdaǵy jóndeý jumystary qarqyn aldy.
Al, Qaratas aýyldyq emhanasyndaǵy kúrdeli jóndeý bitse, biyl el igiligine qoldanysqa tapsyrý josparlanyp otyr. Konkýrstyń jeńimpazy — «Radýga SN» JShS. Qajet qarajat bólingen. Qurylys bekitilgen óndiristik kestege sáikes tolyq aiaqtalyp, memlekettik qabyldaý aktisine berilgen.
Jańadan salynǵan Aqbastaý meditsinalyq pýnktiniń qurylysy zerdelendi. Mundaǵy jumystyń 60%-y támamdalǵan. Plita jabyny qoiylyp, ishki qabyrǵalary sylanǵan. Shatyry jabyldy. Injenerlik júielerin tartý júrgizilýde. Merdiger — «Ýrba-Standart» JShS.
Jalpy qurylys alańdarynda bárine qoiylatyn ortaq talap — sapaly atqarý, ýaqtyly aiaqtaý, asa jaýapkershilikpen qaraý, árbir qamtylǵan nysan turǵyndar úshin qyzmet etetinin áste umytpaý. Jumysshylar sanyn kóbeitý kerek. Jergilikti azamattardy tartý usynyldy. Jaýapty tulǵalarǵa oblys ákimi Nuralhan Oralbaiulynyń tapsyrmasy men eskertýi jetkizildi. Joǵary deńgeide oryndamaǵan azamattarǵa tiisti sharalar kóriledi. Monitoringti turaqty ótedi.
Qazyǵurttaǵy sapar aýdandyq «Otbasyn qoldaý ortalyǵy» KMM-de qorytyndylandy. Ortalyq otbasy institýtyn qoldai otyra, áleýmettik az qamtylǵan jáne kópbalaly otbasylardyń ómir súrý sapasyn jaqsartý maqsatynda qurylǵan. Mekemede 14 jatyn jáne 2 qabyldaý orny, 6 jumys bólmesi qarastyrylǵan. Munda azamattarǵa konsýltatsiialyq onyń ishinde áleýmettik, quqyqtyq jáne psihologiialyq kómekter kórsetiledi.
