Qazbek Qusaiynov "QazMunaiGaz" UK AQ Basqarma tóraǵasynyń orynbasary bolyp taǵaiyndaldy. "QazMunaiGaz" UK AQ (QMG) uiymdyq qurylymynyń ózgerýine, "QMG Injiniring" JShS quzyretter ortalyǵy qyzmetiniń keńeiýine bailanysty keibir bloktardyń fýnktsiialary qaita qaraldy, dep habarlaidy Dalanews.kz.
Atap aitqanda, korporativtik damýǵa jaýapty blok kúsheitildi, al gaz jobalaryn basqarý baǵyty munai jáne gaz óndirý blogyna qaita berildi.
Ulttyq kompaniia baspasóz qyzmetiniń habarlaýynsha, Qazbek Qainarbekuly Qusaiynov QMG-nyń strategiialyq jáne korporativtik damýyna, turaqty damý men ESG, jobalardy basqarý tiimdiligin arttyrýǵa, sondai-aq dekarbonizatsiia jáne ekologiia máselelerine jetekshilik etetin bolady.
Qusaiynov eńbek jolyn 2000 jyly "QazTransOil" AQ-da ákimshilik departamentiniń mamany bolyp bastady. Ár jyldary "QazMunaiGaz" UK AQ aktivterdi basqarý departamentiniń bas mamany, "QazTransGaz" AQ-da basshylyq qyzmetterdi atqardy. "M&SE" JShS bas direktorynyń orynbasary bolyp jumys istedi. 2023 jyldyń tamyz aiynan bastap "QazTransOil" AQ Direktorlar keńesiniń múshesi — táýelsiz direktory boldy.
Qazbek Qusaiynov kompaniiadan óz erkimen ketken "QazMunaiGaz" UK AQ Basqarma tóraǵasynyń orynbasary Serikqali Brekeshevtiń ornyna keldi.
Buǵan deiin saitymyzda "QazMunaiGaz" otandyq zaýyttaǵy iri úlesin nege reseilik kompaniiaǵa satty" degen maqala jariialanǵan bolatyn. Sondai-aq saitymyzdan "Qazaqstan munai ónimderi urlyǵynan qansha shyǵynǵa ushyraýda" degen materialmen de tanysa alasyzdar.
