Qazaqstannyń eńbek sińirgen qairatkeri, belgili akter, stsenarist, kinodramatýrg Nurlan Sanjaruly Segizbaev ómirden ótti, dep habarlaidy Dalanews.kz.
Aqparatty QR Mádeniet jáne aqparat ministrligi rastady.
Nurlan Sanjaruly – qazaq mádenieti men óneriniń damýyna eleýli úles qosqan tulǵa. Ol óz ǵumyryn shyǵarmashylyqqa, ulttyq rýhaniiatqa arnap, keiingi urpaqqa ónege bolatyn mol mura qaldyrdy. Ónersúier jurtshylyqqa áli kúnge qundylyǵyn joimai kele jatqan Abdolla Qarsaqbaevtyń «Meniń atym Qoja» filmindegi basty rólimen tanymal óner iesi qazaq kino ónerindegi dara tulǵa boldy. Onyń ekranda jasaǵan kórkem beineleri otandyq óner tarihynda airyqsha oryn alady.
"Nurlan Sanjarulynyń jarqyn beinesi, shyǵarmashylyq murasy men ǵibratty ǵumyr joly halqymyzdyń jadynda máńgi saqtalady dep senemiz. Marqumnyń jany jánnatta, imany salamat, topyraǵy torqa bolǵai", - dedi ministrlik ókilderi.
