قازاقستاننىڭ ەڭبەك سىڭىرگەن قايراتكەرى، بەلگىلى اكتەر، سەناريست، كينودراماتۋرگ نۇرلان سانجار ۇلى سەگىزبايەۆ ومىردەن ءوتتى، دەپ حابارلايدى Dalanews.kz.
اقپاراتتى ق ر مادەنيەت جانە اقپارات مينيسترلىگى راستادى.
نۇرلان سانجار ۇلى – قازاق مادەنيەتى مەن ونەرىنىڭ دامۋىنا ەلەۋلى ۇلەس قوسقان تۇلعا. ول ءوز عۇمىرىن شىعارماشىلىققا، ۇلتتىق رۋحانياتقا ارناپ، كەيىنگى ۇرپاققا ونەگە بولاتىن مول مۇرا قالدىردى. ونەرسۇيەر جۇرتشىلىققا ءالى كۇنگە قۇندىلىعىن جويماي كەلە جاتقان ابدوللا قارساقبايەۆتىڭ «مەنىڭ اتىم قوجا» فيلمىندەگى باستى رولىمەن تانىمال ونەر يەسى قازاق كينو ونەرىندەگى دارا تۇلعا بولدى. ونىڭ ەكراندا جاساعان كوركەم بەينەلەرى وتاندىق ونەر تاريحىندا ايرىقشا ورىن الادى.
"نۇرلان سانجار ۇلىنىڭ جارقىن بەينەسى، شىعارماشىلىق مۇراسى مەن عيبراتتى عۇمىر جولى حالقىمىزدىڭ جادىندا ماڭگى ساقتالادى دەپ سەنەمىز. مارقۇمنىڭ جانى ءجانناتتا، يمانى سالامات، توپىراعى تورقا بولعاي"، - دەدى مينيسترلىك وكىلدەرى.
