«Qazaqtelekom» dırektorlar keńesinde basqarma qurama keńeıdi. Buǵan deıin úsh adamnan turǵan bolsa, endi qatarǵa jańa adamdar qosyldy. Bul jaıly Qazaqstan qor bırjasynyń (KASE) saıtynda jarıalandy.

Endi jańa múshelerge kelsek: atqarýshy organǵa basqarma basshysynyń birinshi orynbasary bolyp Arnur Nurqatov taǵaıyndaldy. Igor Pogrebıskıı — bólshek saýda dıvızıonyna bas dırektor, qarjy dırektory mindetin oryndaýshy — Lázzat Basqanbaeva, bas ákimshilik dırektor Erjan Meıramov boldy. Qazirgi ýaqytta jańa taǵaıyndalǵandardan bólek, basqarma quramynda tóraǵa — Baǵdat Mýsın men Álibek Indybaev, Nurlan Meıirmanov bar.

Nurqatov — basqarma basshysynyń birinshi orynbasary qyzmetinen bólek, 2008 jyly qurylǵan Aspandau ǵylymı-bilim berý qorynyń prezıdenti. Pogrebıskıı bolsa, «Qazaqstanda» 2017 jyldan beri isteıdi. Buǵan deıin «Ksellde» túrli qyzmette bolǵan. Basqanbaeva — Almatydaǵy Halyqaralyq bıznes akademıasynyń túlegi. Meıramov Sıfrlyq damý, ınovasıalar jáne aeroǵarysh ónerkásibi mınıstrliginiń Telekomýnıkasıa komıtetiniń tóraǵasy bolǵan.  Bıyl shildeniń ortasynda «Qazaqtelekom» basqarma qurama eki ese qysqarǵan edi. Ol kezde quramnan Lúdmıla Atamuratova, Berik Bıtabarov pen Natalá Lán ketken bolatyn.