«قازاقتەلەكوم» ديرەكتورلار كەڭەسىندە باسقارما قۇراما كەڭەيدى. بۇعان دەيىن ءۇش ادامنان تۇرعان بولسا، ەندى قاتارعا جاڭا ادامدار قوسىلدى. بۇل جايلى قازاقستان قور بيرجاسىنىڭ (KASE) سايتىندا جاريالاندى.
ەندى جاڭا مۇشەلەرگە كەلسەك: اتقارۋشى ورگانعا باسقارما باسشىسىنىڭ ءبىرىنشى ورىنباسارى بولىپ ارنۇر نۇرقاتوۆ تاعايىندالدى. يگور پوگرەبيسكيي — بولشەك ساۋدا ديۆيزيونىنا باس ديرەكتور، قارجى ديرەكتورى مىندەتىن ورىنداۋشى — ءلاززات باسقانبايەۆا، باس اكىمشىلىك ديرەكتور ەرجان مەيراموۆ بولدى. قازىرگى ۋاقىتتا جاڭا تاعايىندالعانداردان بولەك، باسقارما قۇرامىندا ءتوراعا — باعدات مۋسين مەن الىبەك يندىبايەۆ، نۇرلان مەيىرمانوۆ بار.
نۇرقاتوۆ — باسقارما باسشىسىنىڭ ءبىرىنشى ورىنباسارى قىزمەتىنەن بولەك، 2008 جىلى قۇرىلعان Aspandau ءعىلىمي-بىلىم بەرۋ قورىنىڭ پرەزيدەنتى. پوگرەبيسكيي بولسا، «قازاقستاندا» 2017 جىلدان بەرى ىستەيدى. بۇعان دەيىن «كسەللدە» ءتۇرلى قىزمەتتە بولعان. باسقانبايەۆا — الماتىداعى حالىقارالىق بيزنەس اكادەمياسىنىڭ تۇلەگى. مەيراموۆ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ تەلەكوممۋنيكاسيا كوميتەتىنىڭ ءتوراعاسى بولعان. بيىل شىلدەنىڭ ورتاسىندا «قازاقتەلەكوم» باسقارما قۇراما ەكى ەسە قىسقارعان ەدى. ول كەزدە قۇرامنان ليۋدميلا اتامۇراتوۆا، بەرىك بيتاباروۆ پەن ناتاليا ليان كەتكەن بولاتىن.
