Qazaqstanda sport, óner jáne qosymsha bilim berý salalary boiynsha biryńǵai vaýcher júiesiniń pilottyq jobasy iske qosylady. Bul bastama balalardyń shyǵarmashylyq úiirmelerge, sporttyq sektsiialarǵa jáne qosymsha bilim berý baǵdarlamalaryna qoljetimdiligin arttyryp, salanyń ashyqtyǵy men tiimdiligin qamtamasyz etýdi kózdeidi, dep habarlaidy Dalanews.kz.
Memleket jyl saiyn balalardyń atalǵan baǵyttardaǵy damýyn qarjylandyryp keledi. Alaida tekseris nátijesinde birqatar zańbuzýshylyqtar anyqtalǵan. Atap aitqanda, keibir uiymdar balalardy jalǵan tirkep, kórsetkishterdi qoldan arttyrǵan. Sonymen qatar 164 sektsiiada sabaqtar sanitarlyq talaptarǵa sai emes oryndarda – páterlerde, jertólelerde jáne turǵyn úilerde ótkizilgeni belgili boldy.
Taǵy bir alańdatatyn jait – alty óńirde buryn sottalǵan adamdardyń balalardy oqytý faktileri tirkelgen. Buǵan qosa, júiede tirkelgenimen naqty sabaqqa qatyspaǵan 8 myńnan astam bala anyqtalǵan. Bul jaǵdailar alaiaqtyq, jalǵan esep jáne biýdjet qarajatyn tiimsiz paidalanýǵa jol berilgenin kórsetedi.
Osyndai olqylyqtardyń aldyn alý jáne balalarǵa qaýipsiz, sapaly orta qalyptastyrý maqsatynda 2025 jyldyń 1 maýsymynan bastap biryńǵai vaýcher júiesiniń pilottyq jobasy iske qosylady. Alǵashqy kezeńde joba Astana, Shymkent, Qaraǵandy, Qyzylorda, Atyraý jáne Aqtóbe qalalarynda júzege asyrylady.
Jańa júie arqyly memlekettik jáne jekemenshik sektsiialar men úiirmeler biryńǵai tsifrlyq platformaǵa biriktiriledi. Eń basty jańashyldyq – vaýcher tikelei balaǵa beriledi. Bul oqýshynyń sport, shyǵarmashylyq nemese bilim berý salalarynda erkin tańdaý jasaýyna múmkindik beredi jáne burynǵydai qaita kezekke turý nemese qarjylandyrýdan aiyrylyp qalý siiaqty qiyndyqtardyń aldyn alady.
Platforma ázirlengende ár aimaqtyń ereksheligi men usynylatyn qyzmetterdiń túrleri eskeriledi. Vaýcherdiń eki túri qarastyrylǵan:
• Nysanaly vaýcher – memlekettik mekemelerge arnalǵan jáne kezekke turýdy qajet etpeidi;
• Ámbebap vaýcher – ata-analar eGov.kz portaly arqyly balalaryna jekemenshik nemese memlekettik emes uiymdy ózderi tańdai alady. Bul rette kezek balanyń jasy men otbasynyń áleýmettik mártebesine qarai qalyptasady.
Tsifrlyq platformada balalardyń sabaqqa kelýi kún saiyn tirkelip otyrady. Bul qarajattyń ashyq jáne ádiletti bólinýin, protsesterdiń avtomattandyrylýyn qamtamasyz etip, jemqorlyq pen alaiaqtyqqa qarsy tiimdi quralǵa ainalady.
