قازاقستاندا سپورت, ٶنەر جەنە قوسىمشا بٸلٸم بەرۋ سالالارى بويىنشا بٸرىڭعاي ۆاۋچەر جٷيەسٸنٸڭ پيلوتتىق جوباسى ٸسكە قوسىلادى. بۇل باستاما بالالاردىڭ شىعارماشىلىق ٷيٸرمەلەرگە, سپورتتىق سەكتسييالارعا جەنە قوسىمشا بٸلٸم بەرۋ باعدارلامالارىنا قولجەتٸمدٸلٸگٸن ارتتىرىپ, سالانىڭ اشىقتىعى مەن تيٸمدٸلٸگٸن قامتاماسىز ەتۋدٸ كٶزدەيدٸ, دەپ حابارلايدى Dalanews.kz.
مەملەكەت جىل سايىن بالالاردىڭ اتالعان باعىتتارداعى دامۋىن قارجىلاندىرىپ كەلەدٸ. الايدا تەكسەرٸس نەتيجەسٸندە بٸرقاتار زاڭبۇزۋشىلىقتار انىقتالعان. اتاپ ايتقاندا, كەيبٸر ۇيىمدار بالالاردى جالعان تٸركەپ, كٶرسەتكٸشتەردٸ قولدان ارتتىرعان. سونىمەن قاتار 164 سەكتسييادا ساباقتار سانيتارلىق تالاپتارعا ساي ەمەس ورىنداردا – پەتەرلەردە, جەرتٶلەلەردە جەنە تۇرعىن ٷيلەردە ٶتكٸزٸلگەنٸ بەلگٸلٸ بولدى.
تاعى بٸر الاڭداتاتىن جايت – التى ٶڭٸردە بۇرىن سوتتالعان ادامداردىڭ بالالاردى وقىتۋ فاكتٸلەرٸ تٸركەلگەن. بۇعان قوسا, جٷيەدە تٸركەلگەنٸمەن ناقتى ساباققا قاتىسپاعان 8 مىڭنان استام بالا انىقتالعان. بۇل جاعدايلار الاياقتىق, جالعان ەسەپ جەنە بيۋدجەت قاراجاتىن تيٸمسٸز پايدالانۋعا جول بەرٸلگەنٸن كٶرسەتەدٸ.
وسىنداي ولقىلىقتاردىڭ الدىن الۋ جەنە بالالارعا قاۋٸپسٸز, ساپالى ورتا قالىپتاستىرۋ ماقساتىندا 2025 جىلدىڭ 1 ماۋسىمىنان باستاپ بٸرىڭعاي ۆاۋچەر جٷيەسٸنٸڭ پيلوتتىق جوباسى ٸسكە قوسىلادى. العاشقى كەزەڭدە جوبا استانا, شىمكەنت, قاراعاندى, قىزىلوردا, اتىراۋ جەنە اقتٶبە قالالارىندا جٷزەگە اسىرىلادى.
جاڭا جٷيە ارقىلى مەملەكەتتٸك جەنە جەكەمەنشٸك سەكتسييالار مەن ٷيٸرمەلەر بٸرىڭعاي تسيفرلىق پلاتفورماعا بٸرٸكتٸرٸلەدٸ. ەڭ باستى جاڭاشىلدىق – ۆاۋچەر تٸكەلەي بالاعا بەرٸلەدٸ. بۇل وقۋشىنىڭ سپورت, شىعارماشىلىق نەمەسە بٸلٸم بەرۋ سالالارىندا ەركٸن تاڭداۋ جاساۋىنا مٷمكٸندٸك بەرەدٸ جەنە بۇرىنعىداي قايتا كەزەككە تۇرۋ نەمەسە قارجىلاندىرۋدان ايىرىلىپ قالۋ سيياقتى قيىندىقتاردىڭ الدىن الادى.
پلاتفورما ەزٸرلەنگەندە ەر ايماقتىڭ ەرەكشەلٸگٸ مەن ۇسىنىلاتىن قىزمەتتەردٸڭ تٷرلەرٸ ەسكەرٸلەدٸ. ۆاۋچەردٸڭ ەكٸ تٷرٸ قاراستىرىلعان:
• نىسانالى ۆاۋچەر – مەملەكەتتٸك مەكەمەلەرگە ارنالعان جەنە كەزەككە تۇرۋدى قاجەت ەتپەيدٸ;
• ەمبەباپ ۆاۋچەر – اتا-انالار eGov.kz پورتالى ارقىلى بالالارىنا جەكەمەنشٸك نەمەسە مەملەكەتتٸك ەمەس ۇيىمدى ٶزدەرٸ تاڭداي الادى. بۇل رەتتە كەزەك بالانىڭ جاسى مەن وتباسىنىڭ ەلەۋمەتتٸك مەرتەبەسٸنە قاراي قالىپتاسادى.
تسيفرلىق پلاتفورمادا بالالاردىڭ ساباققا كەلۋٸ كٷن سايىن تٸركەلٸپ وتىرادى. بۇل قاراجاتتىڭ اشىق جەنە ەدٸلەتتٸ بٶلٸنۋٸن, پروتسەستەردٸڭ اۆتوماتتاندىرىلۋىن قامتاماسىز ەتٸپ, جەمقورلىق پەن الاياقتىققا قارسى تيٸمدٸ قۇرالعا اينالادى.
