2025 jyldyń aqpan aiynda Qazaqstanda jyldyq infliatsiia údep, 9,4% boldy (qańtarda – 8,9%). Jyldyq infliatsiia 15 óńirde jedeldedi, al úsh óńirde, kerisinshe baiaýlap, eki óńirde ózgerissiz qaldy. Bul týraly QR Ulttyq Banktiń baspasóz qyzmeti habarlady, dep jazady Dalanews.kz.
Jyldyq infliatsiianyń eń joǵary máni Astana qalasynda tirkeldi.
Aqpanda azyq-túlik taýarlarynyń baǵasy j/j 6,5%-ǵa deiin jedeldedi (qańtarda – 5,8%). Osy toptaǵy taýarlardyń baǵasy Aqmola oblysynda (8,9%) barynsha joǵary, al Túrkistan oblysynda (4,5%) meiilinshe tómen qarqynmen ósti.
Aqpanda azyq-túlikke jatpaityn taýarlar baǵasynyń ósý qarqyny 8,7%-ǵa deiin jedeldedi (qańtarda – 8,4%). Eń joǵary mán Túrkistan oblysynda (14,1%), eń tómengi mán Pavlodar oblysynda (5,8%) tirkeldi.
Aqpanda aqyly kórsetiletin qyzmet baǵasy j/j 14,1%-ǵa deiin jedeldedi (qańtarda – 13,8%). Sonymen qatar, Batys Qazaqstan oblysynda (19,2%) baǵa jalpy respýblikalyq deńgeiden joǵary, Túrkistan oblysynda (8,4%) aitarlyqtai tómen ósti.
Aqpanda ailyq infliatsiia el kóleminde 1,5%-ǵa ósti.
Buǵan deiin saitymyzda qarjy salasy mamandarynyń aýyzdyqtaýǵa kelmei jatqan infliatsiia jaiyna qatysty aitys-tartysy jariialanǵan. Aldymen Ulttyq Bank tóraǵasynyń keńesshisi Sábit Hákimjanov bazalyq mólsherlemeniń infliatsiiaǵa áseri shekteýli degen sarapshylar qaýymy ortasyndaǵy pikirge ýáj aitsa, ile-shala ekonomist Ǵalym Qusaiynov bazalyq mólsherlemeniń óz fýnktsiiasyn nege oryndai almai jatqanyn jiliktep shaǵyp, túsindirdi. Onyń aitýynsha, dál qazir infliatsiiamen kúrestiń keshendi sharalaryn qabyldaý kerek. Onyń ishinde memlekettik biýdjetti, kvazimemlekettik kompaniialar men qorlardy qosa alǵanda, biýdjet saiasatyn keshendi túrde qaita qaraý da usynylady. Ekonomist Asqar Qysyqov ta memlekettik nysandardy jekege berip, barynsha únemge kóship jatqan Qazaqstan biýdjetinde ekonomika salalaryn qoldaýǵa qomaqty qarajat baǵyttalyp jatqanyna ań-tań. Máselen, sonyń ishinde "Báiterek" holdingi arqyly shamamen 8 trln teńge bólý jaiy qarastyrylǵan. Ol da osy baǵytta biýdjetti "qyrqý" kerek dep sanaidy.
