Qarjy vitse-ministri Erjan Birjanov memlekettik organdar mobildi aýdarymdar týraly aqparatty qabyldap, ony taldaýǵa kiriskenin málimdedi. Onyń aitýynsha, qazirgi tańda derekter óńdelip, azamattardyń tólem operatsiialary sanattarǵa bólinip jatyr, dep habarlaidy Dalanews.kz.
Aýqymdy tekseris barysynda salyq organdary uzaq ýaqyt boiy taýar men qyzmet aqysyn qarapaiym aýdarym arqyly qabyldap, kassalyq apparat qoldanbaǵan ári salyq tóleýden jaltarǵandardy anyqtaýdy kózdep otyr.
Vitse-ministrdiń sózinshe, eskertýler birden joldanbaidy. Aldymen aqparat jan-jaqty saralanyp, tulǵalardyń mártebesi naqtylanady. Iaǵni olardyń jeke kásipker, ózin-ózi jumyspen qamtyǵan azamat, beirezident nemese ózge sanatqa jatatyny tekseriledi.
Alǵashqy habarlamalar qazaqstandyqtardyń jeke kabinetterine 2026 jyldyń mamyr aiynan bastap jiberile bastaidy.
