قارجى ۆيسە-مينيسترى ەرجان ءبىرجانوۆ مەملەكەتتىك ورگاندار ءموبيلدى اۋدارىمدار تۋرالى اقپاراتتى قابىلداپ، ونى تالداۋعا كىرىسكەنىن مالىمدەدى. ونىڭ ايتۋىنشا، قازىرگى تاڭدا دەرەكتەر وڭدەلىپ، ازاماتتاردىڭ تولەم وپەراسيالارى ساناتتارعا ءبولىنىپ جاتىر، دەپ حابارلايدى Dalanews.kz.
اۋقىمدى تەكسەرىس بارىسىندا سالىق ورگاندارى ۇزاق ۋاقىت بويى تاۋار مەن قىزمەت اقىسىن قاراپايىم اۋدارىم ارقىلى قابىلداپ، كاسسالىق اپپارات قولدانباعان ءارى سالىق تولەۋدەن جالتارعانداردى انىقتاۋدى كوزدەپ وتىر.
ۆيسە-مينيستردىڭ سوزىنشە، ەسكەرتۋلەر بىردەن جولدانبايدى. الدىمەن اقپارات جان-جاقتى سارالانىپ، تۇلعالاردىڭ مارتەبەسى ناقتىلانادى. ياعني ولاردىڭ جەكە كاسىپكەر، ءوزىن-وزى جۇمىسپەن قامتىعان ازامات، بەيرەزيدەنت نەمەسە وزگە ساناتقا جاتاتىنى تەكسەرىلەدى.
العاشقى حابارلامالار قازاقستاندىقتاردىڭ جەكە كابينەتتەرىنە 2026 جىلدىڭ مامىر ايىنان باستاپ جىبەرىلە باستايدى.
