Syrtqy ister ministrliginiń resmi ókili Aibek Smadiiarov AQSh-taǵy qazaqstandyqtarǵa qatysty pikir bildirdi. Aitýynsha, 369 otandasymyzdyń deportatsiialanatyny týraly aqparat shyndyqqa janaspaidy, dep habarlaidy Dalanews.kz.
“Kesheden beri BAQ pen áleýmettik jelilerde AQSh-tyń jańa prezidenti zańsyz migranttardy jappai deportatsiialaidy degen aqparat tarap jatyr. Kópshilik Fox News taratqan derekterge súienedi. Sonymen qatar deportatsiiaǵa 369 qazaqstandyq ta iligedi degen málimet qosyldy. Alaida biz bul aqparattyń túpnusqasyn tekserdik. Fox News bul jańalyqty 2024 jyly 11 jeltoqsanda jariialaǵan, iaǵni onyń qazirgi kóshi-qon saiasatyna esh qatysy joq”, – dep túsindirdi Smadiiarov.
Onyń aitýynsha, deportatsiia – kez kelgen elde turaqty túrde júrgiziletin zańdy protsess. Bir memlekettiń biligi zańsyz kelgen shetel azamattaryn elden shyǵarý týraly sheshim qabyldaǵan jaǵdaida, olar Qazaqstan elshiligine nemese konsýldyǵyna habarlaýǵa mindetti emes.
“Áleýmettik jeliler men BAQ-ta taraǵan “369 qazaqstandyqtyń deportatsiialanatyny”týraly aqparattyń negizsiz ekenin resmi túrde málimdeimin”, — dedi ol.
Aita keteiik, qazirgi ýaqytta AQSh biligi zańsyz migranttardy elden shyǵarý sharalaryn júrgizip jatyr. Osyǵan bailanysty el aýmaǵynda zańsyz júrgen sheteldikterdi deportatsiialaý protsesi bastalǵan.
Eske salaiyq, AQSh-ta qazir 25 myńǵa jýyq qazaqstandyq bar.
