Qazaqstandyqtardyń qolyndaǵy altyn qory 9 tonnaǵa jetti, dep habarlaidy Dalanews.kz.
Bul shamamen $1,5 mlrd nemese 719,7 mlrd teńge. Ulttyq banktiń málimetinshe, qazirgi tańda 1 gramm altyn 79 971,37 teńge turady.
2025 jyly Ulttyq bank ekinshi deńgeili bankter men jekelegen aiyrbastaý pýnktterine jalpy salmaǵy 889,5 kg bolatyn 27 807 ólshemdi quima satqan. Satylymnyń 74%-y Almatyǵa tiesili – 20 526 dana. Astanada 1 650 dana, Shymkentte 1 099 dana ótkizilgen.
Biyl bankter men aiyrbastaý pýnktteri keri satyp alýdy esepke alǵanda halyqqa 40 799 altyn quima satqan. Baǵdarlama bastalǵaly beri barlyǵy 263 479 quima satylyp, jiyntyq salmaǵy 9 tonnaǵa jetken.
Eń suranysqa ie – 10 grammdyq quima. Onyń úlesi 26% nemese 67 833 dana. Odan keiin 5 grammdyq quimalar – 22%, 100 grammdyq – 20%, 20 grammdyq – 19% jáne 50 grammdyq – 13%.
Ulttyq bank naryqtaǵy ótimdilik keri satyp alý tetigi arqyly qamtamasyz etiletinin málimdedi. Quimany ótkizgen klientke aqsha sol kúni tólenedi.
Sarapshylar muny halyqtyń qarjy júiesine senimsizdigimen jáne infliatsiialyq qysymmen bailanystyrady. Teńge qubylyp turǵan kezde qazaqstandyqtar jinaǵyn qaǵazda emes, naqty metalda saqtaýdy jón kóredi.
