قازاقستاندىقتاردىڭ قولىنداعى التىن قورى 9 تونناعا جەتتٸ, دەپ حابارلايدى Dalanews.kz.
بۇل شامامەن $1,5 ملرد نەمەسە 719,7 ملرد تەڭگە. ۇلتتىق بانكتٸڭ مەلٸمەتٸنشە, قازٸرگٸ تاڭدا 1 گرامم التىن 79 971,37 تەڭگە تۇرادى.
2025 جىلى ۇلتتىق بانك ەكٸنشٸ دەڭگەيلٸ بانكتەر مەن جەكەلەگەن ايىرباستاۋ پۋنكتتەرٸنە جالپى سالماعى 889,5 كگ بولاتىن 27 807 ٶلشەمدٸ قۇيما ساتقان. ساتىلىمنىڭ 74%-ى الماتىعا تيەسٸلٸ – 20 526 دانا. استانادا 1 650 دانا, شىمكەنتتە 1 099 دانا ٶتكٸزٸلگەن.
بيىل بانكتەر مەن ايىرباستاۋ پۋنكتتەرٸ كەرٸ ساتىپ الۋدى ەسەپكە العاندا حالىققا 40 799 التىن قۇيما ساتقان. باعدارلاما باستالعالى بەرٸ بارلىعى 263 479 قۇيما ساتىلىپ, جيىنتىق سالماعى 9 تونناعا جەتكەن.
ەڭ سۇرانىسقا يە – 10 گراممدىق قۇيما. ونىڭ ٷلەسٸ 26% نەمەسە 67 833 دانا. ودان كەيٸن 5 گراممدىق قۇيمالار – 22%, 100 گراممدىق – 20%, 20 گراممدىق – 19% جەنە 50 گراممدىق – 13%.
ۇلتتىق بانك نارىقتاعى ٶتٸمدٸلٸك كەرٸ ساتىپ الۋ تەتٸگٸ ارقىلى قامتاماسىز ەتٸلەتٸنٸن مەلٸمدەدٸ. قۇيمانى ٶتكٸزگەن كليەنتكە اقشا سول كٷنٸ تٶلەنەدٸ.
ساراپشىلار مۇنى حالىقتىڭ قارجى جٷيەسٸنە سەنٸمسٸزدٸگٸمەن جەنە ينفلياتسييالىق قىسىممەن بايلانىستىرادى. تەڭگە قۇبىلىپ تۇرعان كەزدە قازاقستاندىقتار جيناعىن قاعازدا ەمەس, ناقتى مەتالدا ساقتاۋدى جٶن كٶرەدٸ.
