Qazaqstandyq qyzdarǵa qatysty qorlaıtyn sózder aıtqan reseılik strımer Anar Abdýllaev Qazaqstanda 15 táýlikke ákimshilik qamaýda bolǵannan keıin óz pikirin bildirdi. Ol ózine taǵaıyndalǵan jazany ádil dep baǵalady, dep habarlaıdy Dalanews.kz.
Abdýllaev vıdeoúndeýin Telegram-arnasynda jarıalaǵan. Onyń aıtýynsha, bul oqıǵa áli kúnge deıin ózine sengisiz bolyp kórinedi. Ol Renatpen birge «óte aýyr joldan» ótkenin aıtyp, ekeýiniń de ádil jaza alǵanyn moıyndady. Sonymen qatar strımer eshkimdi ádeıi qorlaýdy nemese qolaısyz jaǵdaı týdyrýdy maqsat etpegenin jetkizdi.
"Qazaqtyń barsha halqynan taǵy da keshirim suraımyn. Osyndaı jaǵdaıdyń oryn alǵanyna ókinish bildiremin. Eshkimniń kóńiline tımek túgili, renjitýdi oılaǵan da joqpyn. Men – ashyq minezdi adammyn. Kórsetken úlken qoldaýlaryńyz úshin raqmet! Men úıge oraldym", – dedi ol.
