قازاقستاندىق قىزدارعا قاتىستى قورلايتىن سوزدەر ايتقان رەسەيلىك ستريمەر انار ابدۋللايەۆ قازاقستاندا 15 تاۋلىككە اكىمشىلىك قاماۋدا بولعاننان كەيىن ءوز پىكىرىن ءبىلدىردى. ول وزىنە تاعايىندالعان جازانى ءادىل دەپ باعالادى، دەپ حابارلايدى Dalanews.kz.
ابدۋللايەۆ ۆيدەوۇندەۋىن Telegram-ارناسىندا جاريالاعان. ونىڭ ايتۋىنشا، بۇل وقيعا ءالى كۇنگە دەيىن وزىنە سەنگىسىز بولىپ كورىنەدى. ول رەناتپەن بىرگە «وتە اۋىر جولدان» وتكەنىن ايتىپ، ەكەۋىنىڭ دە ءادىل جازا العانىن مويىندادى. سونىمەن قاتار ستريمەر ەشكىمدى ادەيى قورلاۋدى نەمەسە قولايسىز جاعداي تۋدىرۋدى ماقسات ەتپەگەنىن جەتكىزدى.
"قازاقتىڭ بارشا حالقىنان تاعى دا كەشىرىم سۇرايمىن. وسىنداي جاعدايدىڭ ورىن العانىنا وكىنىش بىلدىرەمىن. ەشكىمنىڭ كوڭىلىنە تيمەك تۇگىلى، رەنجىتۋدى ويلاعان دا جوقپىن. مەن – اشىق مىنەزدى اداممىن. كورسەتكەن ۇلكەن قولداۋلارىڭىز ءۇشىن راقمەت! مەن ۇيگە ورالدىم"، – دەدى ول.
