Resei, Qazaqstan jáne Eýraziialyq keńistiktegi ózge de elderdiń ekonomikalyq jáne saiasi yntymaqtastyǵy únemi damý ústinde. Reseige qarsy sanktsiialardyń eshbiri oǵan qaýip-qater tóndirip nemese syzat túsire almaidy. Astanada 12 maýsymda atap ótiletin Resei kúnine orai uiymdastyrylǵan is-sharada Qazaqstandaǵy Resei Federatsiiasynyń elshisi Aleksei Borodavkin osyndai málimdeme jasady, dep habarlaidy Dalanews.kz TASS agenttigine silteme jasap.
"Resei men Qazaqstan Eýraziia keńistigindegi kólik bailanysyn damytý baǵytynda kúsh biriktirýde. Bul turǵyda Resei, Qazaqstan, Túrikmenstan men Irandy Parsy shyǵanaǵymen bailanystyratyn "Soltústik – Ońtústik" baǵyty asa mańyzdy. Sondai-aq bul baǵyt Ózbekstan, Aýǵanstan jáne Pákistan aýmaqtaryn qamti otyryp, aralas júk jáne jolaýshy tasymalyna arnalǵan tranzittik jeli qurýdy kózdeidi. Ekonomikalyq integratsiiadaǵy oń ózgeristerdi zańsyz sanktsiialar da, ekinshi deńgeili shekteý sharalary da toqtata almaidy", – dedi ol.
Elshi Qazaqstanmen júzege asyp jatqan mańyzdy jobalardyń biri – Baiqońyrdaǵy "Báiterek" kesheni ekenin atap ótti. Onyń aitýynsha, biylǵy jeltoqsanda atalmysh keshennen reseilik "Soiýz-5" zymyrany ushyrylmaq.
"Resmi emes málimetke sáikes, Reseidiń Qazaqstan ekonomikasyna quiǵan investitsiiasy 56 milliard dollar shamasynda. Qazaqstan aýmaǵynda shamamen 20 myń resei-qazaq birlesken kásiporny jumys istep tur. Eki el arasyndaǵy esep aiyrysýda ulttyq valiýtalardyń úlesi 90 paiyzǵa jetti", – dedi ol.
Sondai-aq Borodavkin Resei men Qazaqstannyń odaqtas ekenin jáne bul ustanymdy halyqaralyq uiymdar aiasyndaǵy birlesken áreketter arqyly birneshe ret dáleldegenin aitty.
"Ǵasyrlar boiy Resei túrli biikter men tragediialardy, jeńister men quldyraý kezeńderin bastan ótkerdi, búkil álemge rýhani damý, ǵylym, tehnika, óner jáne ekonomika salasyndaǵy eń úlken jetistikterin pash ete bildi. Resei tek orystardyń ǵana emes, kóptegen basqa halyqtardyń da shańyraǵyna ainaldy. Barlyq kóptegen synaqtardan Resei árdaiym odan da kúshti, óz-ózine senimdi, óz kúshteri men sarqylmas múmkindikterine ie bola tústi. Buǵan biz búgin de kýá bolyp otyrmyz.Qansha synaqtan ótse de, Resei jasyǵan joq, qatelikten sabaq alyp, odan saiyn qýatty bola tústi. Búgin biz munyń kýási bolyp otyrmyz. 2024 jyly 16 qyrkúiekte Prezident Qasym-Jomart Toqaev sheteldik kóshbasshylarmen kezdesýiniń birinde: "Reseidiń áskeri turǵyda jeńilmeitini - fakt" deýi de tegin emes", - degen Borodavkin Qazaqstanda orys tiline qoldaý kórsetilip kele jatqanyn da basa atap ótti.
Buǵan deiin Memleket basshysy Vladimir Pýtindi Resei kúnimen quttyqtaǵan bolatyn.
