Eń tabysty bankterdiń qataryna qazan aiynda reseilik VTB qosyldy, onyń biyl tapqan tabysy ótken jylmen salystyrǵanda úsh esege ósken. Sondai-aq, Forte, Jusan jáne BTsK qarqyndy ósimdi kórsetti, dep habarlaidy Dalanews.kz.
1 qazandaǵy málimetke sáikes, 2024 jyldyń toǵyz aiynda qazaqstandyq bankterdiń jalpy tabysy 1,85 trln teńgeni qurady. Bul - 2023 jyldyń sáikes kezeńimen salystyrǵanda 17%-ǵa kóp kólem. Negizinen, iri bankterdiń tabysy artýda, al keibir bankterdiń paidasy ótken jylmen salystyrǵanda áldeqaida azaiǵan. Olardyń qataryna Otbasy banki, Qazaqstan Sitibank jáne Eýraziialyq bank jatady.
Eń tabysty úzdik 10 bank
Alǵashqy ondyqqa biyl reseilik VTB enip otyr, onyń tabysy ótken jylmen salystyrǵanda úsh esege ósken. Sondai-aq 2023 jylǵy jylmen salystyrǵanda jyldam ósimdi Forte (+62%), Jusan (+62%) jáne BTsK (+40%) tirkedi.
- I-oryn. Halyk Bank 600 mlrd teńgege jýyq paida tapty (2023 jyldyń osyndai kezeńinde bul soma 502,2 mlrd teńgeni quraǵan bolatyn).
- II-oryn. Kaspi Bank-tiń biylǵy tabysy - 378,8 mlrd teńge (2023 jyldyń osyndai kezeńinde – 346,6 mlrd teńge).
- III-oryn. BankTsentrKredit - 139 mlrd teńge (2023 jyldyń uqsas kezeńinde - 99,2 mlrd teńge ári 4-oryn)
- IV-oryn. Jusan 120,4 mlrd tabys tapty (2023 jyldyń 9 aiynda - 74,5 mlrd teńge ári 7-shi oryn).
- V-oryn. Forte - 113 mlrd teńgeden astam (2023 jyldyń uqsas kezeńine - 69,9 mlrd teńge ári 8-shi oryn).
- VI-oryn. Otbasy bank 95 mlrd teńge tabys tapty (2023 jyldyń uqsas kezeńinde - 117 mlrd teńge ári 3-shi oryn).
- VII-oryn. Qazaqstan Sitibank - 78,6 mlrd teńge (2023 jyldyń 9 aiynda - 86,9 mlrd teńge ári 6-oryn).
- VIII oryn. Eýraziialyq bank 63,3 mlrd teńge paida tapty (2023 jyldyń uqsas kezeńinde – 86,8 mlrd teńge ári 5-oryn).
- IX-oryn. Bank RBK - 44 mlrd teńge (2023 jyly - 36,3 mlrd teńge).
- X-oryn. VTB Qazaqstan 32,1 mlrd teńge tabys tapty (bir jyl burynǵy tabysy - 10,5 mlrd teńge ári 18-orynda turǵan).
Qazaqstannyń bank sektory 2025 jyly da joǵary rentabeldi bolyp qala bermek. Fitch aldaǵy jyly da bul sektordyń negizgi tiimdi kórsetkishteri sol kúiinde joǵary bolyp qalady dep kútedi. Banktik operatsiialarǵa salynatyn salyqtardyń yqtimal ósimi nesielendirý sektoryna aitarlyqtai áseri bolmaidy.
