Almaty oblysynda politsiia qyzmetkeriniń ólimine qatysty onyń jubaiy men uly ustaldy. Bul týraly óńirlik politsiia departamenti habarlady, dep jazady dalanews.kz.
Vedomstvo málimetinshe, 23 maýsym kúni Kegen aýdanyndaǵy taýly aimaqtan er adamnyń máiiti tabylǵany týraly habar túsken. Oqiǵa ornyna jedel-tergeý toby jiberildi.
Órtengen er adamnyń denesi tabylǵannan keiin qylmystyq is qozǵaldy.
"Qaza bolǵan adamnyń jeke basy anyqtaldy. Onyń politsiia qyzmetkeri bolǵany rastaldy", – dep málimdedi politsiia departamenti.
Is aiasynda birneshe adam ustaldy. Olardyń qatarynda marqumnyń áieli men uly da bar. Qazir kúdiktiler ýaqytsha ustaý izoliatoryna qamalǵan.
Politsiianyń habarlaýynsha, oqiǵanyń barlyq mán-jaiyn anyqtaý úshin tergeý amaldary júrgizilip jatyr. Tergeý múddesine bailanysty ózge aqparat ázirge jariia etilmeidi.
