ەڭ تابىستى بانكتەردىڭ قاتارىنا قازان ايىندا رەسەيلىك ۆتب قوسىلدى، ونىڭ بيىل تاپقان تابىسى وتكەن جىلمەن سالىستىرعاندا ءۇش ەسەگە وسكەن. سونداي-اق، Forte، Jusan جانە بسك قارقىندى ءوسىمدى كورسەتتى، دەپ حابارلايدى Dalanews.kz.

1 قازانداعى مالىمەتكە سايكەس، 2024 جىلدىڭ توعىز ايىندا قازاقستاندىق بانكتەردىڭ جالپى تابىسى  1،85 ترلن تەڭگەنى قۇرادى. بۇل - 2023 جىلدىڭ سايكەس كەزەڭىمەن سالىستىرعاندا 17%-عا كوپ كولەم. نەگىزىنەن، ءىرى بانكتەردىڭ تابىسى ارتۋدا، ال كەيبىر بانكتەردىڭ پايداسى وتكەن جىلمەن سالىستىرعاندا الدەقايدا ازايعان. ولاردىڭ قاتارىنا وتباسى بانكى، قازاقستان سيتيبانك جانە ەۋرازيالىق بانك جاتادى.

ەڭ تابىستى ۇزدىك 10 بانك

العاشقى وندىققا بيىل رەسەيلىك ۆتب ەنىپ وتىر، ونىڭ تابىسى وتكەن جىلمەن سالىستىرعاندا ءۇش ەسەگە وسكەن. سونداي-اق 2023 جىلعى جىلمەن سالىستىرعاندا  جىلدام ءوسىمدى Forte (+62%)، Jusan (+62%) جانە بسك (+40%) تىركەدى.

• ءى-ورىن. Halyk Bank 600 ملرد تەڭگەگە جۋىق پايدا تاپتى (2023 جىلدىڭ وسىنداي كەزەڭىندە بۇل سوما 502،2 ملرد تەڭگەنى قۇراعان بولاتىن).
• ءىى-ورىن. Kaspi Bankء-تىڭ بيىلعى تابىسى - 378،8 ملرد تەڭگە (2023 جىلدىڭ وسىنداي كەزەڭىندە – 346،6 ملرد تەڭگە).
• ءىىى-ورىن. بانكسەنتركرەديت  - 139 ملرد تەڭگە (2023 جىلدىڭ ۇقساس كەزەڭىندە - 99،2 ملرد تەڭگە ءارى 4-ورىن)
• IV-ورىن. Jusan 120،4 ملرد تابىس تاپتى (2023 جىلدىڭ 9 ايىندا - 74،5 ملرد تەڭگە ءارى 7ء-شى ورىن).
• V-ورىن. Forte - 113 ملرد تەڭگەدەن استام (2023 جىلدىڭ ۇقساس كەزەڭىنە - 69،9 ملرد تەڭگە ءارى 8ء-شى ورىن).
• VI-ورىن. وتباسى بانك 95 ملرد تەڭگە تابىس تاپتى (2023 جىلدىڭ ۇقساس كەزەڭىندە - 117 ملرد تەڭگە ءارى 3ء-شى ورىن).
• VII-ورىن. قازاقستان سيتيبانك - 78،6 ملرد تەڭگە (2023 جىلدىڭ 9 ايىندا - 86،9 ملرد تەڭگە ءارى 6-ورىن).
• VIII ورىن. ەۋرازيالىق بانك 63،3 ملرد تەڭگە پايدا تاپتى (2023 جىلدىڭ ۇقساس كەزەڭىندە – 86،8 ملرد تەڭگە ءارى 5-ورىن).
• IX-ورىن. Bank RBK - 44 ملرد تەڭگە (2023 جىلى - 36،3 ملرد تەڭگە).
• X-ورىن. ۆتب قازاقستان 32،1 ملرد تەڭگە تابىس تاپتى (ءبىر جىل بۇرىنعى تابىسى - 10،5 ملرد تەڭگە ءارى 18-ورىندا تۇرعان).

قازاقستاننىڭ بانك سەكتورى 2025 جىلى دا جوعارى رەنتابەلدى بولىپ قالا بەرمەك. Fitch الداعى جىلى دا بۇل سەكتوردىڭ نەگىزگى ءتيىمدى كورسەتكىشتەرى سول كۇيىندە جوعارى بولىپ قالادى دەپ كۇتەدى. بانكتىك وپەراسيالارعا سالىناتىن سالىقتاردىڭ ىقتيمال ءوسىمى نەسيەلەندىرۋ سەكتورىنا ايتارلىقتاي اسەرى بولمايدى.