Qazaqstandyqtardyń 8,3 paiyzy aqshasy jetispegendikten qysqy jáne jazǵy aiaq kiim satyp ala almaidy, dep habarlaidy dalanews.kz.
Turǵyndardyń 8,3 paiyzynda qarjy tapshylyǵyna bailanysty maýsymǵa sai eki jup aiaq kiim satyp alýǵa múmkindik joq. Bul týraly EnergyProm Ulttyq statistika biýrosynyń deregine súienip habarlady. Byltyr mundai másele qazaqstandyqtardyń 7,8 paiyzynda bolǵan. Al 2023 jyly bul kórsetkish 9,5 paiyzǵa jetken.
Maýsymdyq aiaq kiim satyp alýǵa aqshasy jetpeitin áielderdiń úlesi erlerge qaraǵanda joǵary. Áielderdiń 9,1 paiyzy eki jup aiaq kiim alýǵa múmkindigi joq ekenin aitqan. Erler arasynda bul kórsetkish 7 paiyz bolǵan.
Másele aýyl turǵyndary arasynda jii kezdesedi. Aýyl halqynyń 9,3 paiyzy maýsymdyq aiaq kiimge aqsha jetpeitinin aitsa, qala turǵyndary arasynda bul kórsetkish - 7,9 paiyz.
Egde jastaǵy adamdar arasynda kórsetkish odan da joǵary. 61 jastan asqan qazaqstandyqtardyń 10,1 paiyzy maýsymdyq aiaq kiim satyp ala almaidy. 49-60 jas aralyǵynda bul kórsetkish 8,4 paiyz bolsa, 29-38 jastaǵy adamdar arasynda 6,4 paiyz bolyp otyr.
Sonymen qatar, Qazaqstanda aiaq kiim baǵasy ósip jatyr. Shildede aiaq kiim 0,6 paiyzǵa qymbattaǵan. Jyl basynan beri baǵa 6,4 paiyzǵa ósken.
