قازاقستاندىقتاردىڭ 8,3 پايىزى اقشاسى جەتٸسپەگەندٸكتەن قىسقى جەنە جازعى اياق كيٸم ساتىپ الا المايدى, دەپ حابارلايدى dalanews.kz.
تۇرعىنداردىڭ 8,3 پايىزىندا قارجى تاپشىلىعىنا بايلانىستى ماۋسىمعا ساي ەكٸ جۇپ اياق كيٸم ساتىپ الۋعا مٷمكٸندٸك جوق. بۇل تۋرالى EnergyProm ۇلتتىق ستاتيستيكا بيۋروسىنىڭ دەرەگٸنە سٷيەنٸپ حابارلادى. بىلتىر مۇنداي مەسەلە قازاقستاندىقتاردىڭ 7,8 پايىزىندا بولعان. ال 2023 جىلى بۇل كٶرسەتكٸش 9,5 پايىزعا جەتكەن.
ماۋسىمدىق اياق كيٸم ساتىپ الۋعا اقشاسى جەتپەيتٸن ەيەلدەردٸڭ ٷلەسٸ ەرلەرگە قاراعاندا جوعارى. ەيەلدەردٸڭ 9,1 پايىزى ەكٸ جۇپ اياق كيٸم الۋعا مٷمكٸندٸگٸ جوق ەكەنٸن ايتقان. ەرلەر اراسىندا بۇل كٶرسەتكٸش 7 پايىز بولعان.
مەسەلە اۋىل تۇرعىندارى اراسىندا جيٸ كەزدەسەدٸ. اۋىل حالقىنىڭ 9,3 پايىزى ماۋسىمدىق اياق كيٸمگە اقشا جەتپەيتٸنٸن ايتسا, قالا تۇرعىندارى اراسىندا بۇل كٶرسەتكٸش - 7,9 پايىز.
ەگدە جاستاعى ادامدار اراسىندا كٶرسەتكٸش ودان دا جوعارى. 61 جاستان اسقان قازاقستاندىقتاردىڭ 10,1 پايىزى ماۋسىمدىق اياق كيٸم ساتىپ الا المايدى. 49-60 جاس ارالىعىندا بۇل كٶرسەتكٸش 8,4 پايىز بولسا, 29-38 جاستاعى ادامدار اراسىندا 6,4 پايىز بولىپ وتىر.
سونىمەن قاتار, قازاقستاندا اياق كيٸم باعاسى ٶسٸپ جاتىر. شٸلدەدە اياق كيٸم 0,6 پايىزعا قىمباتتاعان. جىل باسىنان بەرٸ باعا 6,4 پايىزعا ٶسكەن.
