Qazaqstanda munai men gazdy tiimsiz paidalaný faktileri anyqtaldy. Kompaniialardan 14 mlrd teńgeden astam kólemde zalal somasy óndirip alyndy. Sondai-aq jalpy somasy 110 mln teńgeni qamtityn 80 aiyppul salyndy, dep habarlaidy Dalanews.kz QR Energetika ministrliginiń baspasóz qyzmetine silteme jasap.
QR Energetika ministrligi jáne onyń Atyraý men Qyzylorda oblystaryndaǵy munai-gaz keshenindegi memlekettik inspektsiianyń óńiraralyq basqarmalary retteletin saladaǵy zańnamanyń saqtalýyn qamtamasyz etý boiynsha júieli jumysty jalǵastyrýda.
"2025 jyldyń 9 aiynda kómirsýtek salasyndaǵy memlekettik baqylaý aiasynda 100 tekserý is-sharasy ótkizildi, onyń ishinde 18 profilaktikalyq baqylaý, 30 jospardan tys tekserý, 15 sharttyq mindettemelerdi oryndaý boiynsha baqylaý jáne 37 memlekettik qyzmet kórsetý aiasyndaǵy ruqsattyq tekserý bar. Nátijesinde 18 buzýshylyqty joiý týraly nusqama berildi, 80 ákimshilik aiyppul 110 mln teńge somasynda salyndy. Sonymen qatar, munai men gazdy utymsyz paidalaný úshin 14 mlrd teńgeden astam zalal óndirildi. Qazirgi ýaqytta qosymsha 4 mln teńgege jýyq aiyppul men 2,4 mlrd teńge zalaldy óndirý boiynsha materialdar qaralýda", delingen vedomstvo habarlamasynda.
Buǵan deiin Pavlodarda ekologiialyq talapty buzǵan kásiporynǵa 28,4 mlrd teńge kóleminde aiyppul salynǵanyn jazǵanbyz.
